Так, для наведвання абмежаваныя ўсе раёны Гродзеншчыны. У Гомельскай і Магілёўскай абласцях няма абмежаванняў на наведванне лясоў, а ў Брэсцкай вобласці вольныя ад абмежаванняў тры раёны — Ганцавіцкі, лунінецкі і Столінскі.

У Мінскай вобласці абмежаваныя для наведвання чатыры раёны — Барысаўскі, Вілейскі, Мядзельскі і Салігорскі, у Віцебскай два — Докшыцкі і Лепельскі раёны.

Перад тым як адправіцца ў лес, варта даведацца актуальную сітуацыю ў канкрэтным раёне. Інтэрактыўная карта на партале ведамства пастаянна абнаўляецца ў залежнасці ад змены сітуацыі, уключаючы ўмовы надвор’я.