Тут растлумачылі, што ў арганізацыях сістэмы Міністэрства прамысловасці на пастаяннай аснове вядзецца планамерная работа па абнаўленні асноўных вытворчых фондаў. Так, ажыццяўляецца рэалізацыя інвестыцыйных і інавацыйных праектаў, рэалізуюцца штогадовыя планы тэхнічнага пераўзбраення і мадэрнізацыі дзеючых вытворчых магутнасцяў.

— Асноўныя аб’ёмы інвестыцый накіраваныя на набыццё машын, абсталявання, транспартных сродкаў, гэта значыць у актыўную частку асноўных фондаў, у суме 834 мільёны рублёў, — пракаментавалі ў ведамстве. 

Па прагнозах, у цэлым па 2025 годзе па Мінпраме плануецца прыцягнуць больш за два мільярды інвестыцый у асноўны капітал.

Дарэчы, за 2021-2024 гады арганізацыямі сістэмы Мінпрама ўжо прыцягнута каля 3,96 мільярда рублёў інвестыцый.

— З улікам асваення інвестыцый бягучага года па выніках 2021-2025 гадоў плануецца выйсці на 6 мільярдаў рублёў інвестыцый, — агучылі прагноз у профільным міністэрстве. — Пры гэтым сумарны тэмп росту інвестыцый за названы перыяд складзе каля 286 % пры заданні, устаноўленым Праграмай сацыяльна-эканамічнага развіцця ў цэлым па краіне, — 121,6 %.

У ведамстве дадалі, што інвестыцыйная дзейнасць ажыццяўляецца, у тым ліку ў рамках рэалізацыі інвестыцыйных і інавацыйных праектаў. Сярод іх: ініцыятыва «Адзін раён — адзін праект», вытворчыя імпартазамяшчальныя інвестыцыйныя праекты, праекты па стварэнні новых вытворчасцяў, якія маюць вызначальнае значэнне для інавацыйнага развіцця Беларусі, пералік перспектыўных імпартазамяшчальных інвестыцыйных праектаў, што рэалізуюцца сумесна з калегамі з Расійскай Федэрацыі.