У ведамстве падкрэслілі, што пры гэтым устаноўлены паніжаныя патрабаванні да стажу работы: неабходна 5 гадоў работы з выплатай абавязковых страхавых узносаў (страхавы стаж), 15 гадоў агульнага стажу (з улікам страхавога).

«Незалежна ад узросту пенсія па ўзросту прызначаецца шматдзетным маці, якія нарадзілі пяць і больш дзяцей і выхавалі іх да 16-гадовага ўзросту пры стажы работы на прадпрыемствах сельскай гаспадаркі непасрэдна ў вытворчасці сельскагаспадарчай прадукцыі не менш як 10 гадоў (без заліку ў стаж часу догляду дзяцей)», — праінфармавалі ў прэс-службе.

Шматдзетным маці, якія нарадзілі чацвярых дзяцей і выхавалі іх да васьмігадовага ўзросту, працоўная пенсія па ўзросту назначаецца пасля дасягнення агульнаўстаноўленага пенсіённага ўзросту пры паніжаным страхавым стажы — 5 гадоў і пры наяўнасці 20 гадоў агульнага стажу (з улікам страхавога).

«У агульны стаж разам з перыядамі работы залічваюцца таксама перыяды догляду дзяцей ва ўзросце да трох гадоў агульнай працягласцю не больш за 12 гадоў. Таксама нагадваем, што асноўнымі ўмовамі для пенсіі па ўзросту з’яўляюцца: агульны стаж працы (мужчыны — не менш за 25 гадоў, жанчыны — не менш за 20 гадоў), пенсійны ўзрост (мужчыны — 63 гады, жанчыны — 58 гадоў), а таксама страхавы стаж — патрабуецца не менш за 20 гадоў (перыяды, калі за вас плацілі ўзносы ў ФСЗН)», — дадалі ў Мінпрацы.