28 ліпеня месцамі па краіне чакаюцца навальніцы, днём у асобных раёнах магчыма ўзмацненне ветру парывамі 15-18 м/с.

Пры навальніцах узмацняюцца такія фактары небяспекі, як пашкоджанне або абрыў ліній сувязі і электраперадачы, адключэнне электрычных падстанцый, электраэнергіі ў населеных пунктах. Акрамя таго, магчыма ўзнікненне прыродных пажараў, а таксама пажараў у жылых і вытворчых будынках, а пры парывах ветру — пашкоджанне або абвальванне слаба ўмацаваных канструкцый, дахаў будынкаў, збудаванняў, падзенне дрэў. Таксама ёсць рызыка гібелі людзей на вадзе пры купанні.