Аўкцыён пройдзе ў 11.00 у Мінску па адрасе: Лагойскі тракт, 5. Працэс будзе праходзіць шляхам пакрокавага павелічэння цаны на 10 % ад пачатковага кошту. Для зручнасці грамадзян сваю цану ўдзельнікі могуць прапаноўваць з дапамогай анлайн-відэасувязі ў памяшканнях абласных арганізацыйных структур РДГА «БТПР» (па месцы пражывання). Пачатковы кошт аб’екта таргоў (дазвол на здабычу мядзведзя) складае Br2 тыс.

Да ўдзелу ў аўкцыёне дапускаюцца фізічныя асобы са стажам палявання больш за тры гады. Для ўдзелу неабходна падаць заяву, у якой пазначаюцца прозвішча, імя, серыя, нумар дзяржаўнага пасведчання на права палявання з тэрмінам яго дзеяння, стаж палявання (у адпаведнасці з дзяржпасведчаннем), калібр наяўнай зброі для гэтага віду палявання, нумар тэлефона для сувязі і адрас электроннай пошты. Камісія пасля атрымання і праверкі дакументаў выдае ўдзельніку таргоў білет удзельніка аўкцыёну з указаннем даты рэгістрацыі заявы і парадкавага нумара, пад якім ён будзе ўдзельнічаць у аўкцыёне (высылаецца на электронную пошту).

Пераможцам аўкцыёну будзе прызнана асоба, якая прапанавала найбольшую цану. Калі аўкцыён прызнаецца несапраўдным з-за падачы заявы толькі адным удзельнікам, прадмет аўкцыёну будзе прададзены гэтаму ўдзельніку па пачатковай цане, павялічанай на 10 %. Пераможца заключае дагавор на правядзенне паляўнічага тура па здабычы мядзведзя ва ўстаноўленым парадку ў тэрмін да 25 жніўня 2025 года. 

«Удзельнік аўкцыёну мае права да надыходу даты яго правядзення пісьмова адклікаць заяву. Калі ўдзельнік таргоў адклікае заяву, то яна лічыцца непададзенай, пра што робіцца адзнака ва ўваходнай карэспандэнцыі. Звесткі аб удзельніках таргоў выдаванню не падлягаюць», — звярнулі ўвагу ў БТПР.

Здабыча трафея будзе адбывацца на тэрыторыі паляўнічых угоддзяў БТПР.

Змены ў правілы палявання і вядзення паляўнічай гаспадаркі ўступілі ў сілу з 21 мая 2025 года. У пералік паляўнічых жывёл нарміруемых відаў уключаны мядзведзь і рысь. Упершыню ў гісторыі суверэннай Беларусі паляванне на мядзведзя адкрылася з 1 ліпеня 2025 года.