Сеткавае выданне zviazda.by

Перафразуючы савецкага класіка, можна смела сцвярджаць: энергетычнае пытанне сапсавала еўрапейцаў. У ЕС перманентна адбываецца гарачы дыскурс па гэтай тэме. Да некаторых мы ўжо цалкам прывыклі. Пікіроўкі з прычыны адмовы ад расійскіх нафты і газу з боку Венгрыі і Славакіі, якія моцна залежаць ад гэтых паставак, ужо звыклая з’ява. Але днямі прэзідэнт Францыі Эмануэль Макрон некалькі нечакана ўступіў у спрэчку з Дональдам Трампам наконт забеспячэння Еўропы вуглевадародамі. Вашынгтон паравым катком імкнецца выцесніць з гэтага рынку ўсіх, акрамя амерыканскіх вытворцаў. І патрабуе ад ЕС цалкам адмовіцца ад расійскіх паставак. Але Парыж з гэтай пазіцыяй прынцыпова не згодны.