Сеткавае выданне zviazda.by

У Гродзенскай вобласці заўсёды ўдзялялася вялікая ўвага навуцы і распрацоўкам. Развіццю ў гэтай сферы садзейнічаюць розныя фактары, у тым ліку і наяўнасць у абласным цэнтры трох універсітэтаў. На базе ГрДУ імя Янкі Купалы працуе Навукова-тэхналагічны парк, які стаў цэнтрам інавацыйнага развіцця ў рэгіёне. Тут адбыўся семінар-нарада «Ад ідэі да бізнесу», прымеркаваны да Дня беларускай навукі. У яго рамках былі прадстаўлены навуковыя распрацоўкі, якія ўжо ўкаранёны ў вытворчы працэс. Расказваем, што цікавага было прадстаўлена ўніверсітэцкімі вучонымі.

Міністэрства па надзвычайных сітуацыях актыўна ўкараняе сучасныя тэхналогіі ў сваю работу. Напрыклад, для пошуку людзей, якія згубіліся ў прыродных экасістэмах, ратавальнікі прымяняюць у тым ліку і робаты. І з кожным годам колькасць людзей, выратаваных пры дапамозе БЛА, павялічваецца. Наш карэспандэнт пабываў у цэнтры прымянення беспілотных авіяцыйных комплексаў (БАК) дзяржаўнай авіяцыйнай аварыйна-выратавальнай установы «Авіяцыя» МНС Рэспублікі Беларусь (ДААСУ «Авіяцыя») і даведаўся, як ратавальнікі выкарыстоўваюць дроны ў сваёй рабоце.

Мастацкая галерэя «Універсітэт культуры» запрашае на выстаўку «Высокае неба». Праект знаёміць з работамі выкладчыкаў і студэнтаў кафедры дэкаратыўна-прыкладнога мастацтва Беларускага дзяржаўнага ўніверсітэта культуры і мастацтваў. У экспазіцыі прадстаўлены творы, выкананыя ў розных відах і тэхніках, якія адлюстроўваюць каштоўнасныя арыенціры грамадства.

У мастацкай галерэі «Універсітэт культуры» днямі адкрылі планшэтную выстаўку «На славу Радзімы, у імя Перамогі», прысвечаную 80-годдзю Перамогі ў Вялікай Айчыннай вайне. Праект рэалізоўваецца Беларускім дзяржаўным універсітэтам культуры і мастацтваў сумесна з Тамбоўскім дзяржаўным універсітэтам імя Г. Р. Дзяржавіна.

У мастацкай галерэі «Універсітэт культуры» працуе ІІІ Міжнародны адкрыты фестываль-выстаўка дзіцячага выяўленчага мастацтва «Свет, у якім я жыву...». Праект прысвечаны міжнароднаму дню мастака і рэалізоўваецца з 2019 года Лагойскай дзіцячай школай мастацтваў.

Зноў паглядзець на зіму з дзіцячым захапленнем і атрымаць пазітыўныя эмоцыі можна на V штогадовай выстаўцы-конкурсе «Зімовыя ўражанні» ў галерэі «Універсітэт культуры». У экспазіцыі — работы вучняў дзіцячых школ мастацтваў Мінска, а таксама выхаванцаў устаноў дадатковай адукацыі дзяцей і моладзі.

Рэспубліканская выстаўка-акцыя «Грані творчасці» ў галерэі «Універсітэт культуры» знаёміць з мастацкімі дасягненнямі юных майстроў з розных куткоў нашай краіны. Арганізатары праекта — Міністэрства адукацыі Рэспублікі Беларусь і Нацыянальны цэнтр мастацкай творчасці дзяцей і моладзі.