Сеткавае выданне zviazda.by

Сёння адным з галоўных прыярытэтаў дзяржаўнай палітыкі з’яўляецца развіццё сістэмы сацыяльнага абслугоўвання. Попыт на сацыяльныя паслугі вызначаюць дэмаграфічныя тэндэнцыі. Сёння ў краіне колькасць грамадзян старэйшых за 65 гадоў складае больш за 1,6 мільёна чалавек, і за апошнія 5 гадоў іх лік вырас амаль на 150 тысяч. Адпаведна павялічваецца і колькасць атрымальнікаў сацыяльных паслуг — за апошнюю пяцігодку яна вырасла на 50 тысяч чалавек і складае ўжо больш за 190 тысяч. 

Арганізацыя сістэмы сацыяльнай абароны з’яўляецца адной з найважнейшых функцый дзяржавы. Пры гэтым яе якасныя і колькасныя паказчыкі сведчаць аб узроўні сацыяльнага і эканамічнага развіцця дзяржавы і грамадства. У Беларусі ў цяперашні час дзейнічае досыць эфектыўная мадэль сацыяльнай абароны, якая рэгулюецца дзяржаўнымі праграмамі і заканадаўчымі актамі і накіравана на дасягненне адпаведных вынікаў у канкрэтным сектары сацыяльнай сферы, адзначыла намеснік старшыні Пастаяннай камісіі па бюджэце і фінансах Святлана Барташ.

У Беларусі больш за 110 тыс. чалавек атрымліваюць паслугі па доглядзе дома. Пра гэта 23 верасня журналістам расказала намеснік міністра працы і сацыяльнай абароны Марына Арцёменка, паведамляе агенцтва «Мінск-Навіны».