Сеткавае выданне zviazda.by

Нацыянальны статыстычны камітэт парадаваў: у першым паўгоддзі мы сталі жыць лепш. Намінальная заработная плата ў студзені — чэрвені вырасла на 13,2 % у параўнанні з аналагічным перыядам 2025 года, рэальная (з улікам інфляцыі) — на 7,5 %. Рэальныя наяўныя грашовыя даходы за першае паўгоддзе павялічыліся на 8 %. Пры гэтым інфляцыя знаходзіцца ў прымальным калідоры: у ліпені індэкс спажывецкіх цэн да снежня склаў 103,2 %, да ліпеня мінулага года — 104,4 %. Рост даходаў апярэджвае дынаміку і ВУП, і прадукцыйнасці працы. Класічным з’яўлялася меркаванне, што гэта прыводзіць да дысбалансаў і немінучых наступстваў. Але супрацоўнікі Навукова-даследчага эканамічнага інстытута Міністэрства эканомікі правялі адпаведныя даследаванні. І высветлілася: даходы могуць расці, не ствараючы дысбалансу, паколькі сучасная эканоміка ў сілу шэрагу фактараў становіцца эканомікай дарагой працы. Адпаведна, мяняецца мадэль і ўнутраныя ўзаемасувязі.

Удзел у пасяджэнні аблвыканкама прынялі памочнік Прэзідэнта Рэспублікі Беларусь — галоўны інспектар па Магілёўскай вобласці Надзея Каткавец, першы намеснік міністра фінансаў Алена Печань, прадстаўнікі канцэрна «Белнафтахім», члены выканкама, сенатары, дэпутаты, старшыні гар- і райвыканкамаў, кіраўнікі раённых адміністрацый, кантралюючых і сілавых ведамстваў, прадпрыемстваў і арганізацый вобласці, а таксама ў рэжыме відэасувязі дэпутаты Палаты прадстаўнікоў.

І наватарам, і кансерватарам прыйдзецца пераходзіць на новыя тэхналагічныя ўклады. Але новыя тэхналогіі (не заўсёды падмяняючы старыя) пашыраюць магчымасці вытворцаў, інструментарый павышэння канкурэнтаздольнасці. Шырокі спектр адытыўных тэхналогій якраз здольны даць значную перавагу — таму іх унеслі ў Праграму сацыяльна-эканамічнага развіцця краіны да 2030 года.

Праект праграмы быў распрацаваны з улікам тых заўваг, якія прагучалі на нарадах, праведзеных Прэзідэнтам Аляксандрам Лукашэнкам па пытаннях становішча спраў у Віцебскім рэгіёне. Кіраўнік дзяржавы зрабіў акцэнт на выратаванне вобласці праз павышэнне выканаўчай дысцыпліны, забеспячэнне годных умоў працы, мадэрнізацыю сельскай гаспадаркі і ўхіленне падзяжу грамадскай сельскагаспадарчай жывёлы.

Праграма сацыяльна-эканамічнага развіцця Беларусі на 2026–2030 гады, аднагалосна зацверджаная VІІ Усебеларускім народным сходам 19 снежня 2025 года, уяўляе сабой стратэгічны дакумент, арыентаваны на ўстойлівае развіццё дзяржавы ў няпростых сучасных умовах і вызначае якасць жыцця нашых грамадзян у любым кутку краіны. Разбіраемся ва ўсіх сямі прыярытэтах на будучую пяцігодку з эканамічным экспертам, начальнікам адукацыйнага цэнтра «Аксіёс» ААТ «Гіпрасувязь» Юліяй Абуховіч.

Беларусь вызначыла стратэгічныя прыярытэты на бліжэйшыя пяць гадоў — зацверджана новая Праграма сацыяльна-эканамічнага развіцця на 2026-2030 гады, дзе асаблівае месца адведзена экспарту. Краіна робіць стаўку на дыверсіфікацыю знешніх рынкаў, пашырэнне геаграфіі паставак і павышэнне тэхналагічнасці экспартуемай прадукцыі. У адрозненне ад папярэдніх праграм, цяперашняя робіць акцэнт не проста на аб’ёмах, а на ўстойлівым, якасным росце знешнеэканамічнай актыўнасці. Якія задачы ў гэтым напрамку будуць галоўнымі ў бліжэйшыя пяць гадоў і ў чым галоўныя асаблівасці гэтай праграмы, у гутарцы з БелТА падзялілася доктар эканамічных навук, прафесар Ірына Новікава.

Паказчыкі сацыяльна-эканамічнага развіцця Мінскай вобласці за адыходзячую пяцігодку малююць складаную, шматгранную і кантрасную карціну. Цэнтральны рэгіён краіны дэманструе ўпэўнены рост па ключавых макраэканамічных паказчыках, істотна перавыконваючы планавыя заданні. І, нават нягледзячы на тое, што эканоміка вобласці і краіны ў цэлым ужо не раз правяралася на трываласць, у экстрэмальных умовах яна паказала сваю жыццяздольнасць. З якімі вынікамі выходзіць Міншчына ў новае пяцігоддзе, карэспандэнту «Звязды» расказалі ў камітэце эканомікі Мінскага аблвыканкама.

З 9 паказчыкаў матрыцы задач, устаноўленых для Магілёўскага аблвыканкама пастановамі Савета Міністраў Рэспублікі Беларусь, выканана 7. Рэальная заработная плата ў параўнанні з аналагічным перыядам 2024 года павялічылася на 11,2 %, узровень зарэгістраванага беспрацоўя на 1 кастрычніка склаў 0,2 % да колькасці рабочай сілы пры прагнозе не больш 1 %. Станоўчае сальда знешняга гандлю таварамі і паслугамі за студзень-верасень склала 727,8 мільёна долараў. Бюджэт захаваў сацыяльную накіраванасць — 58,1 % ад усіх расходаў, накіравана на сацыяльную сферу — 300 мільёнаў рублёў, што на 13 % больш у параўнанні з аналагічным перыядам мінулага года. 

У Беларусі вызначылі парадак фарміравання пераліку аб’ектаў, якія патрабуюць першачарговага будаўніцтва для сацыяльна-эканамічнага развіцця абласцей і Мінска. Гэта прадугледжана пастановай Савета Міністраў ад 2 кастрычніка 2025 года № 549, паведамляе БелТА са спасылкай на Нацыянальны прававы інтэрнет-партал.

У пачатку кастрычніка Прэзідэнт Беларусі Аляксандр Лукашэнка падпісаў распараджэнне, якім створана рабочая група па дапрацоўцы праекта Праграмы сацыяльна-эканамічнага развіцця краіны на 2026–2030 гады. У яе склад уключаны дэлегаты Усебеларускага народнага сходу, дзеючыя і былыя кіраўнікі органаў дзяржаўнай улады, арганізацый рэальнага сектара эканомікі, навуковых і грамадскіх арганізацый. Кіраўніком рабочай групы прызначаны старшыня праўлення Нацыянальнага банка Раман Галоўчанка.