Сеткавае выданне zviazda.by

Клопат аб здароўі і адпачынку работнікаў і іх сем’яў — адзін з найважнейшых напрамкаў дзейнасці прафсаюзаў. На гэтым зрабіў акцэнт старшыня Федэрацыі прафсаюзаў Беларусі Юрый Сянько падчас падвядзення вынікаў работы санаторыяў, гатэляў і турыстычных комплексаў сістэмы ФПБ.

У нацыянальным прафцэнтры вызначылі падыходы і прыярытэтныя напрамкі работы на найбліжэйшыя пяць гадоў, якія стануць асновай для далейшага ўдасканалення сістэмы прафсаюзнага турызму і санаторна-курортнага лячэння. Адпаведныя праграмы па развіцці прыняты па выніках пасяджэння Прэзідыума Савета ФПБ.

Падтрымка і развіццё дзіцяча-юнацкага спорту — важны напрамак работы прафсаюзаў. У сваю чаргу Беларускі прафсаюз работнікаў сувязі, працягваючы традыцыі, узяў шэфства над трыма прафсаюзнымі спартыўнымі школамі. Гэта Мінская гарадская СДЮШАР прафсаюза па фехтаванні, па сінхронным плаванні і Гомельская СДЮШАР «Алімп-2015», якая культывуе тры віды спорту — бокс, стральбу кулявую і цяжкую атлетыку.

Прафсаюзныя спецыялісты працягваюць прымаць у абласных цэнтрах і горадзе Мінску заўвагі і прапановы грамадзян аб сітуацыі на спажывецкім рынку. З красавіка бягучага года грамадскія прафсаюзныя прыёмныя працуюць кожны чацвер.

Адна з такіх сустрэч прайшла сёння ў Дуянаўскім сацыяльным пансіянаце «Загарадны» Гомельскай вобласці. Тут жыве больш за 300 пастаяльцаў, многія з іх з інваліднасцю. Безбар’ернае асяроддзе, творчыя заняткі па інтарэсах, пастаянны догляд і медыцынская дапамога — ва ўстанове імкнуцца не толькі стварыць камфортныя ўмовы для пражывання, але і праводзяць сацыяльна-працоўную рэабілітацыю. Свой уклад для паляпшэння матэрыяльна-тэхнічнай базы ўстановы ўнеслі і прафсаюзы. Кінапраектар і камп’ютары ад нацыянальнага прафцэнтра дапамогуць у арганізацыі вольнага часу і сацыяльнай рэабілітацыі пастаяльцаў пансіяната.