Сеткавае выданне zviazda.by

Апошнім часам істотна расце ўдзельная вага жанчын у ІT-сферы. Як расказала намеснік старшыні Нацыянальнага статыстычнага камітэта Наталля ТАРАСЮК, сёння ў гэтай галіне іх 34 %. Акрамя гэтага, жанчыны часцей за мужчын шукаюць дадатковую работу. Сярод прадпрымальнікаў Беларусі 42 % — жанчыны, прычым кожная дзявятая — гэта работадавец. Больш за 50 % з іх — дырэктары або загадчыкі магазінаў, а таксама індывідуальныя прадпрымальнікі ў сферы паслуг і нават уладальніцы аграсядзіб.

Сёння сваю справу можна арганізаваць максімальна проста, атрымаўшы падтрымку ад дзяржавы. Што дапамагае запусціць свой бізнес з нуля і як развіццё прадпрымальніцтва спрыяе паскарэнню эканамічнага росту, расказалі ў Мінпрацы і сацабароны. 

Жаночы твар бізнесу

Падобнае мерапрыемства абласнога маштабу арганізавана на Віцебшчыне другі раз. На гэты раз месцам яго правядзення стаў дзіцячы рэабілітацыйна-аздараўленчы цэнтр «Жамчужына» ў Лепельскім раёне. Акрамя таго, што абмяркуюць свае пытанні, удзельнікі форуму змогуць азнаёміцца з магчымасцямі і базай аздараўленчай установы. 

Інкубатар малога прадпрымальніцтва запрашае сёння ўсіх ахвотных азнаёміцца з яго магчымасцямі, даведацца, чым ён можа быць карысным пачынаючым і не толькі, бізнесменам. Сёння ж стартуе хакатон «Выкарыстанне нейрасетак для напісання праграмнага забеспячэння», удзельнікі якога на працягу трох дзён выканаюць заданне па азначанай тэме, а затым прадэманструюць прадукт сумеснай работы. 

Міністр эканомікі Юрый Чабатар расказаў журналістам пра канцэпцыю Беларускага тыдня прадпрымальніцтва — 2025: кожны дзень — новыя тэмы і свае героі.

Да адміністрацыйнай адказнасці прыцягнуты індывідуальны прадпрымальнік за рэалізацыю тавараў са скончанымі тэрмінамі прыдатнасці, паведамляе БелТА.

Днямі ў польскім Беластоку мясцовыя прадпрымальнікі, якія даведзены да адчаю, зноў хадзілі з трунамі. У акцыі ўдзельнічала каля ста чалавек, паведаміла радыёстанцыя Polskіe Radіo Bіalystok. Такім чынам прыватнікі выказалі сваю незадаволенасць закрытымі граніцамі з Беларуссю. Удзельнікі пратэсту адчулі катастрафічныя эканамічныя наступствы закрыцця пагранпераходаў і падкрэслілі сур’ёзныя страты, якія панесла мясцовая эканоміка. Акцыя была арганізавана аб’яднаннем «Саюз польскіх прадпрымальнікаў — Аб’яднаны Усход». Пратэстоўцы прайшлі па вуліцах горада з дзвюма сімвалічнымі трунамі. На адной з іх было напісана «Падляская эканоміка», а на другой — некралог: «Падляская эканоміка трагічна загінула 10 лютага 2023 года», які сімвалізаваў дзень закрыцця пагранпераходу «Баброўнікі» (з нашага боку «Бераставіца»). Як вядома, да гэтага польскія ўлады ў аднабаковым парадку закрылі адзін з найбуйнейшых пагранпераходаў на польска-беларускай граніцы «Кузня Беластоцкая» («Брузгі»).

Кіраўнік урада Аляксандр Турчын учора, 27 сакавіка, правёў нефармальную сустрэчу з членамі Савета па развіцці прадпрымальніцтва і прадстаўнікамі партнёрскіх бізнес-саюзаў. На парадку дня значылася бягучая сітуацыя ў эканоміцы і прыватным сектары. Аляксандр Турчын таксама пацікавіўся меркаваннем бізнесу аб вектарах развіцця ў будучай пяцігодцы.

«Усе дзяржаўныя. Недзяржаўных людзей тут няма», — заявіў Прэзідэнт Беларусі Аляксандр Лукашэнка на сустрэчы з прадстаўнікамі прыватных прадпрыемстваў. У Палац Незалежнасці былі запрошаны больш за два дзясяткі кіраўнікоў кампаній і прадпрыемстваў, якія працуюць у Беларусі. У адкрытай і прынцыповай размове таксама прынялі ўдзел кіраўніцтва ўрада, Савета Рэспублікі і Палаты прадстаўнікоў, Адміністрацыі Прэзідэнта і іншыя адказныя службовыя асобы.