Сеткавае выданне zviazda.by

У суботу, 21 сакавіка, установы вышэйшай і сярэдняй спецыяльнай адукацыі Беларусі правядуць адзіны дзень адчыненых дзвярэй. Маштабнае прафарыентацыйнае мерапрыемства адбудзецца ў перыяд вясновых канікул і аб’яднае ўніверсітэты, каледжы і арганізацыі — заказчыкі кадраў. Забягаючы наперад, мы адчынілі для вас дзверы дзвюх вядучых ВНУ краіны — Беларускага дзяржаўнага педагагічнага ўніверсітэта імя Максіма Танка і Беларускага дзяржаўнага медыцынскага ўніверсітэта. Запрашаем зазірнуць у іх разам з намі. Праходзьце, калі ласка!