Сеткавае выданне zviazda.by

У творах Івана Шамякіна вельмі добра адлюстраваны людзі розных спецыяльнасцяў. Такую асаблівасць творчасці беларускага класіка назвала яго ўнучка, кандыдат філалагічных навук, дацэнт Славяна Шамякіна.

Ён з пакалення пераможцаў — прайшоў Вялікую Айчынную, а гэта тая частка жыцця, што вызначала асабісты шлях і творчы лёс многіх пісьменнікаў савецкага часу. Іван Шамякін быў яго часцінкай, пра яго пісаў. А яго творы і цяпер дапамагаюць зразумець прыроду «балючых пунктаў» і характараў беларускіх людзей, а таксама нашу адметную ментальнасць, што так ці інакш выяўляе сябе ў розныя эпохі.