Навiны
Кнігу «Час выбраў» Выдавецкага дома «Звязда» прэзентавалі напярэдадні УНС у Акадэміі кіравання пры Прэзідэнце Рэспублікі Беларусь
У Іванаве агульнымі намаганнямі пусты будынак ператварылі ў галерэю славы
Калі ў Іванава з’явілася новая культурная пляцоўка, многія жыхары ўспрынялі гэта як цуд. Забыты будынак, які яшчэ нядаўна пуставаў, стаў жывым цэнтрам гісторыі і памяці. Ініцыятыва, што нарадзілася ў калектыве работнікаў аддзела культуры, перарасла ў сапраўдны прыклад грамадзянскага адзінства і творчай настойлівасці.
Унікальны праект «ЧАС ВЫБРАЎ» прэзентавалі ў рамках XXXII Дня беларускага пісьменства
У Лідскай раённай бібліятэцы імя Я. Купалы ў рамках XXXII Дня беларускага пісьменства адбылася прэзентацыя ўнікальнага праекта «ЧАС ВЫБРАЎ». У мерапрыемстве ўзялі ўдзел дырэктар — галоўны рэдактар Выдавецкага дома «Звязда» Вольга Ануфрыева, дырэктар — галоўны рэдактар Выдавецкага дома «Беларусь сегодня» Дзмітрый Жук, аглядальнік рэдакцыі Выдавецкага дома «Беларусь сегодня» Максім Осіпаў. Карэспандэнт «Звязды» даведалася падрабязнасці.
У чым каштоўнасць праекта Выдавецкага дома «Звязда» «Час выбраў»
Чатырыста сорак чатыры старонкі, фармат — амаль кананічны in quarto, рэдкі для сучаснага кнігавыдання, які адразу наводзіць чытача на думку: перад намі фундаментальная праца. У аснову масава-палітычнага выдання «Час выбраў» («Время выбрало» / Максим Осипов, Ольга Ануфриева. — Минск: Звязда, 2025) ляглі матэрыялы аднайменнага праекта Выдавецкага дома «Беларусь сегодня», прысвечанага тэме станаўлення і развіцця суверэннай Беларусі. Афіцыёз, нуда? Ні ў якім разе. Перад намі плён карпатлівай працы ў архівах і апісанне падзеі гісторыі незалежнай беларускай дзяржавы праз адлюстраванне сучаснай перыёдыкі, пачынаючы з 1994 года, калі Прэзідэнтам маладой краіны, што пасля распаду СССР балансавала на мяжы бездані, стаў Аляксандр Рыгоравіч Лукашэнка.
