Сеткавае выданне zviazda.by

Нягледзячы на летнія канікулы, работы ва ўчастковых інспектараў па справах непаўналетніх менш не стала, калі не наадварот. Участковы інспектар па справах непаўналетніх Ленінскага РУУС г. Мінска лейтэнант міліцыі Кірыл Кандратовіч з той жа рэгулярнасцю, як і падчас навучальнага года, наведвае дзіцячыя калектывы. Найперш для таго, каб папярэдзіць парушэнні і злачынствы сярод непаўналетніх. Летам узрастае рызыка трапіць у надзвычайную сітуацыю, а таму своечасова праведзеная гутарка, словы падтрымкі кампетэнтнага чалавека ў складанай сітуацыі вырашаюць многае.