Сеткавае выданне zviazda.by

Напярэдадні Дня Канстытуцыі сцены старажытнай Мінскай ратушы сталі сведкамі важнага рытуалу. Юнакі і дзяўчаты сталіцы атрымалі галоўны дакумент свайго жыцця — пашпарт грамадзяніна Рэспублікі Беларусь. Гэта мерапрыемства было не проста фармальнасцю, а сапраўдным пасвячэннем у дарослае грамадскае жыццё.

Адвакаты правядуць бясплатныя кансультацыі для малазабяспечаных грамадзян 13 сакавіка, з нагоды Дня Канстытуцыі Рэспублікі Беларусь, паведаміла БелТА прэс-сакратар Беларускай рэспубліканскай калегіі адвакатаў Ірына Рэут.

Адзіны ўрок, прысвечаны Дню Канстытуцыі Рэспублікі Беларусь, пройдзе ў школах краіны 13 сакавіка. Такая інфармацыя размешчана на Нацыянальным адукацыйным інтэрнэт-партале, паведамляе БелТА.

Парламент Славакіі ў трэцім, фінальным чытанні адобрыў папраўкі да Канстытуцыі, якія замацоўваюць у асноўным законе краіны два полы — мужчынскі і жаночы, паведамляе БелТА.

У чацвер у Мінскай гарадской ратушы прайшоў агульнагарадскі дзень інфармавання. Яго тэма — «Канстытуцыя Рэспублікі Беларусь — прававы падмурак адзінства і працвітання беларускага народа». Некалькі дзён таму наша краіна адзначыла адно з найважнейшых дзяржаўных святаў — Дзень Канстытуцыі, а таму тэма дня інфармавання была асабліва актуальнай. У якасці спікераў выступілі заслужаны юрыст Рэспублікі Беларусь, доктар юрыдычных навук, прафесар Рыгор Васілевіч і намеснік старшыні Канстытуцыйнага Суда Наталля Карповіч.

Канстытуцыя ўвасабляе выпрацаваныя ў ходзе самавызначэння беларускага народа яго духоўныя ідэалы і каштоўнасці, ідэі аб справядлівым грамадскім і дзяржаўным ладзе, яго імкненне да захавання нацыянальнай самабытнасці. Паслядоўна сцвярджаючы ўстоі дэмакратычнай прававой дзяржавы і сацыяльна справядлівага грамадства ў якасці фундаментальнай асновы свабоднага і годнага жыцця чалавека на роднай зямлі, Канстытуцыя абвяшчае народ Рэспублікі Беларусь адзінай крыніцай дзяржаўнай улады і носьбітам суверэнітэту.