Сеткавае выданне zviazda.by

Прадпрыемствы, прадукцыя якіх удастоеная Дзяржаўнага знака якасці, пацвярджаюць адпаведнасць высокім стандартам. Пра гэта заявіла старшыня Дзяржаўнага камітэта па стандартызацыі Алена Маргунова падчас выязнога прэс-туру «Рух за ўдасканаленне якасці беларускіх тавараў на прыкладзе ААТ «УКХ «Мінскі маторны завод», перадае БелТА.

У промнях славы і адказнасці

На атрыманне Дзяржаўнага знака якасці ў 2026 годзе прэтэндуюць 260 тавараў. Аб гэтым журналістам расказала старшыня Дзяржаўнага камітэта па стандартызацыі Алена Маргунова ў час прэс-туру, перадае БелТА.

Развіццю льняной галіны кіраўнік дзяржавы ўдзяляе асаблівую ўвагу. Пад яго пастаянным кантролем знаходзіцца і Аршанскі льнокамбінат, які з’яўляецца флагманам рэгіёна і лёгкай прамысловасці краіны. Два гады запар прадпрыемства пацвярджае статус аднаго з лідараў тэкстыльнай індустрыі, нязменна падтрымліваючы трэнд на якасць. Сёлета яму быў уручаны Дзяржаўны знак якасці за паўільняны змякчаны плед «Альба» па выніках работы ў 2025 годзе. А год таму камбінат атрымаў высокую ўзнагароду за камплект ільняной пасцельнай бялізны «Васількі».

Поўны цыкл вытворчасці, пастаўкі паміж прадпрыемствамі, складаная лагістыка і амаль стапрацэнтнае імпартазамяшчэнне — менавіта так працуюць заводы холдынга «АМКАДОР». Адзін з іх — «Ударнік» — самае што ні на ёсць сэрца кампаніі, адзін з галоўных яго зборачных цэнтраў. Тут збіраюць універсальны пагрузчык W500C, адзначаны ў пачатку года найвышэйшай узнагародай — Дзяржаўным знакам якасці. Чаму прызнанне атрымала гэта мадэль, у чым яе асаблівасці і перавагі, даведаліся карэспандэнты газеты «Звязда».

«БЕЛДЖЫ» ў красавіку прадставіць удасканаленую мадэль аўто, якое атрымала Дзяржаўны знак якасці, — новы аўтамабіль BELGEE X50+. Пра гэта паведаміў сёння журналістам дырэктар СЗАТ «БЕЛДЖЫ» Генадзь Свідзерскі падчас наведвання прадпрыемства Прэм’ер-міністрам Беларусі Аляксандрам Турчыным, паведамляе БелТА.

Дзе нараджаецца шакалад, які адзначаны не толькі любоўю спажыўцоў, але і Дзяржаўным знакам якасці? У святая святых кандытарскай фабрыкі «Камунарка» — яе вытворчых цэхах — пабывалі карэспандэнты «Звязды».

У аўторак Прэзідэнт уручыў сімвалы Дзяржаўнага знака якасці. Гэтай высокай адзнакі прадукцыя шэрагу прадпрыемстваў уганаравана за адпаведнасць такім паказчыкам якасці, як бяспека, экалагічнасць, інавацыйнасць, тэхналагічнасць і эстэтычнасць. Сярод пераможцаў — тавары айчынных брэндаў, якія палюбіліся як беларусам, так і замежным спажыўцам. Размова не толькі пра прадукты харчавання, але і пра айчынныя сельгастэхніку і аўтамабілі, якія шчыруюць на палетках і калясяць па дарогах далёка за межамі нашай краіны.