Сеткавае выданне zviazda.by

Сёлетняя ўборачная кампанія для яго 23-я па ліку, а яшчэ да таго, каб самастойна сесці за штурвал, працаваў памочнікам у бацькі — Пятра Зябко. Таму можа сцвярджаць, што сын песціць бацькаўскую ніву і працягвае справу Пятра. З году ў год Аляксандр паказвае добрыя вынікі, выходзячы ў перадавікі абласнога ўзроўню: летась на камбайне New Holland намалаціў зерня, зернебабовых, рапсу і кукурузы болей за 12 тысяч тон.