Сеткавае выданне zviazda.by

На мехдвары ААТ «Дзераўное» Стаўбцоўскага раёна — апошнія прыгатаванні перад выездам у поле. Камбайны завяршаюць абслугоўванне, механізатары яшчэ раз правяраюць тэхніку, уважліва прыглядаюцца да неба — ці не падвядзе надвор’е. Пашанцавала: дождж так і не сабраўся, нават сярод аблокаў вызірнула сонца. Тут сустракаемся з галоўным аграномам гаспадаркі, маладым і вельмі зацікаўленым сваёй працай Паўлам ТАРАСЮКОМ. Ён абмяркоўвае з механізатарамі апошнія дэталі. Некалькі хвілін — і каманда гучыць: «Выязджаем!»