Сеткавае выданне zviazda.by

У нядзелю, 15 сакавіка, у нашай краіне адзначаць Дзень Канстытуцыі. У чым перавагі нашага Асноўнага Закона перад аналагічнымі дакументамі іншых краін і чаму абноўленая чатыры гады назад Канстытуцыя з’яўляецца стратэгічным дакументам грамадска-палітычнага развіцця дзяржавы, расказалі нашы эксперты. 

Прэзідэнт Беларусі Аляксандр ЛУКАШЭНКА:

— У Канстытуцыі, яшчэ раз падкрэслю, замацаваная палітычная воля большасці. Закон нас абараняе — мы яго выконваем. Простая і аб’ектыўная формула прававой дзяржавы, якой і з’яўляецца Беларусь. Так мы разумеем нашу беларускую мадэль дэмакратычнага развіцця. На другім пасяджэнні VII Усебеларускага народнага сходу, 18 снежня 2025 года.

Натарыусы Беларусі 13 сакавіка правядуць рэспубліканскую дабрачынную акцыю па бясплатным кансультаванні грамадзян у гонар Дня Канстытуцыі Рэспублікі Беларусь, паведамілі БелТА ў Беларускай натарыяльнай палаце.

15 сакавіка — Дзень Канстытуцыі Рэспублікі Беларусь. Канстытуцыя мае вышэйшую юрыдычную сілу і замацоўвае асноўныя прынцыпы і нормы прававога рэгулявання важнейшых грамадскіх адносін. Канстытуцыя вызначае дзяржаўны лад, устанаўлівае прынцыпы выбарчай сістэмы, рэгулюе ўтварэнне органаў улады, замацоўвае правы і абавязкі грамадзян. Вышэйшай каштоўнасцю Канстытуцыя аб’яўляе чалавека, яго жыццё.

Дарагія суайчыннікі! Віншую вас з Днём Канстытуцыі.

Канстытуцыя Беларусі, прынятая 15 сакавіка 1994 года, юрыдычна аформіла якасна новую дзяржаўнасць, палітычныя і сацыяльна-эканамічныя змены, якія адбыліся ў дзяржаве і грамадстве, замацавала асновы канстытуцыйнага ладу і завяршыла фарміраванне суверэннай дэмакратычнай сацыяльнай прававой дзяржавы.

Канстытуцыя стаіць на варце нашай дзяржаўнасці, суверэнітэту, незалежнасці, захоўвае гістарычную памяць, заявіў старшыня ЦВК Ігар Карпенка падчас урачыстай цырымоніі ўручэння пашпартоў грамадзяніна Рэспублікі Беларусь у рамках Усебеларускай акцыі «Мы — грамадзяне Беларусі!», перадае БелТА.

Урачыстае мерапрыемства адбылося ў Зале Перамогі Беларускага дзяржаўнага музея гісторыі Вялікай Айчыннай вайны, дзе 40 маладых людзей атрымалі свой галоўны дакумент. У рамках усебеларускай акцыі «Мы — грамадзяне Беларусі» пашпарты маладым людзям уручылі першы намеснік кіраўніка Адміністрацыі Прэзідэнта Наталля Пяткевіч і член Савета Рэспублікі, першы сакратар ЦК БРСМ Аляксандр Лук’янаў.

Напярэдадні Дня Канстытуцыі па ўсёй краіне праходзіць акцыя «Мы — грамадзяне Беларусі». Да яе правядзення далучылася і Федэрацыя прафсаюзаў. Сёння ў нацыянальным прафцэнтры старшыня ФПБ Юрый Сянько ўручыў пашпарты маладым беларусам.

14 сакавіка пашпарты, падарункі і віншаванні атрымалі дзеці, якія паспелі вызначыцца сваімі талентамі і здольнасцямі, з чатырох абласцей. Заўтра акцыя працягнецца.