Навiны
Формула жыцця незвычайнага ўчастковага інспектара
Днём ён сочыць за правапарадкам у аддаленых вёсках Гомельскага раёна, а вечарамі вышывае кашулі, пляце паясы і аднаўляе старажытныя абрады. Рэдкае ўменне спалучаць служэнне дзяржаве і захаванне жывой народнай культуры вылучае Віктара Шыпкова. Старшы ўчастковы інспектар міліцыі аддзела аховы правапарадку і прафілактыкі міліцыі грамадскай бяспекі аддзела ўнутраных спраў Гомельскага райвыканкама нядаўна з рук Прэзідэнта атрымаў прэмію «За духоўнае адраджэнне».
Па прафесіі — участковы інспектар, а ў душы — этнограф. Беларус з глыбінкі пляце паясы і праводзіць старадаўнія абрады
Шматдзетны тата Віктар Шыпкоў па прафесіі старшы ўчастковы, а яшчэ ён не на жарт захапляецца фальклорам і этнаграфіяй роднага краю. Разам з сям’ёй у роднай вёсцы Маркавічы праводзіць аўтэнтычныя абрады, пляце паясы ва ўнікальнай тэхніцы і шые нацыянальнае адзенне, а яшчэ — удзельнічае ў выставах, конкурсах і фестывалях, паведамляе БелТА.
