Навiны
У Дзень пісьменства ў Лідзе адкрыўся інклюзіўны арт-аб’ект
У Лідзе з’явіўся новы арт-аб’ект пад назвай «Верабейкі». Яго ўрачыста адкрылі ў Дзень беларускага пісьменства. Скульптар з Ліды ўвасобіў ідэю, натхнёную аднайменным вершам, напісаным паэтам і ўдзельнікам нацыянальна-вызваленчага руху Заходняй Беларусі, які нарадзіўся ў гэтым рэгіёне.
Баранавічы наведаў зямляк-усходазнавец
У аддзеле дзіцячай і замежнай літаратуры Баранавіцкай гарадской бібліятэкі імя Валянціна Таўлая прайшла сустрэча з унікальным земляком. «Культура Кітая» — так назвалі бібліятэкары гэтую імпрэзу.
Лідскі гісторыка-мастацкі музей арганізаваў выстаўку, прысвечаную Купале
Дом Валянціна Таўлая Лідскага гісторыка-мастацкага музея супрацоўнічае з рознымі ўстановамі культуры Беларусі. У тым ліку з Дзяржаўным літаратурным музеем Янкі Купалы. Музейшчыкаў злучыла адна важная ў гісторыі беларускай літаратуры падзея — прыезд у Ліду народнага паэта Беларусі Янкі Купалы ў сакавіку 1940 года. Роўна 85 гадоў назад. Між іншым, горад рыхтуецца да Дня беларускага пісьменства!
Даволі ўражлівай падаецца кніга вершаў «За Радзімы жыццё!»
Разам сабраны творы паэтаў Берасцейшчыны. 27 аўтараў прадставілі свае паэтычныя здабыткі, прысвечаныя 85-годдзю Брэсцкай вобласці і 80-годдзю вызвалення Беларусі ад нямецка-фашысцкіх захопнікаў. Падрыхтавалі выданне як укладальнікі Таццяна Дзмідовіч і Наталля Ніжнік. Звычайна калектыўныя зборнікі чытаюцца складана, бо творы ў іх прадстаўляюць розныя аўтары. Тэматычныя абсягі ў такіх выпадках даволі ўмоўна пазначаны. Ды і ўзровень у аўтараў зборнікаў, зразумела, розны...
