Сеткавае выданне zviazda.by

Дар’я Памазава па спецыяльнасці — ветэрынарны фельчар. Сёлета скончыла Аграрны каледж Віцебскай дзяржаўнай акадэміі ветэрынарнай медыцыны, што знаходзіцца ў вёсцы Лужасна. Дзяўчына атрымала размеркаванне ў сельскагаспадарчае ўнітарнае прадпрыемства «АграМАЗ» і працуе ветэрынарным урачом на малочнатаварнай ферме «Васілеўшчына» Бярэзінскага раёна. Яна — адна з трох маладых спецыялістаў, якія прыехалі сюды пасля вучобы. Выбар гэтага прадпрыемства не выпадковы: менавіта сюды імкнуцца самыя лепшыя выпускнікі.