Сеткавае выданне zviazda.by

Лепшых студэнтаў і школьнікаў Беларусі, якія далучыліся да міжнароднага конкурсу «Мост кітайскай мовы», узнагародзілі ў Беларускім нацыянальным тэхнічным універсітэце. Месца для правядзення мерапрыемства абрана не выпадкова. У 2014 годзе на базе ўніверсітэта створаны першы ў свеце Інстытут Канфуцыя па навуцы і тэхніцы, які знаёміць беларускую моладзь не толькі з культурай і мовай Кітая, але і займаецца падрыхтоўкай кадраў пад сумесныя тэхнічныя праекты. 

У суботу, 31 мая, на плошчы Свабоды ў Мінску адбудзецца маштабнае мерапрыемства «Чай для гармоніі свету», арганізаванае міністэрствам культуры і турызму КНР, Пасольствам КНР у Беларусі і Мінгарвыканкамам. Карэспандэнт «Звязды» даведалася падрабязнасці.