Навiны
Германія ў крызісe: чаму эканоміка краіны стаіць на мяжы рэцэсіі і што з гэтым рабіць
Нямецкая эканоміка зноў стала драйверам у ЕС — на гэты раз у тэмпах падзення вытворчасці. Па апошніх даных агенцтва Eurostat, эканоміка еўразоны ў другім квартале 2025 года павялічылася толькі на 0,1 % да папярэдняга квартала. У сваю чаргу, кварталам раней ВУП еўразоны павялічыўся на 0,6 %. Прычым краінавая статыстыка сведчыць, што аднаўленне эканомікі ў дзяржавах еўразоны па-ранейшаму застаецца вельмі нераўнамерным. Іспанія ўзначаліла групу краін з квартальным ростам на 0,7 %, за ёй — Партугалія з прыростам у 0,6 %, а Францыя са сціплым ростам у 0,3 % заняла трэцяе месца. Германія і Італія, найбуйнейшая і трэцяя па велічыні (адпаведна) эканомікі еўразоны, прадэманстравалі спад на 0,1 %. Такім чынам, Еўрасаюз ужо чацвёрты год запар перажывае сістэмны крызіс развіцця: практычна не расце эканоміка ні блока ў цэлым, ні яго асобных членаў (за парай выключэнняў) — пачынаючы з 2022 года не было ніводнага квартала, у які ВУП Еўрасаюза вырас хоць бы на 1%.
Чым павернуцца для ЕС новыя пошліны на нашы ўгнаенні і сельгаспрадукцыю?
Еўрапейская камісія ў рамках чарговага, ужо сямнаццатага, пакета санкцый уводзіць новыя абмежаванні на аграэкспарт з Беларусі і Расіі. Цяпер пад прыцэл трапілі вытворцы азотных угнаенняў і сельгаспрадукцыя.
Беларусы больш давяраюць нацыянальнай валюце
У лютым 2025 года прадоўжыўся рост зберажэнняў насельніцтва ў беларускіх рублях. Тэрміновыя дэпазіты фізічных асоб у рублях павялічыліся на 350,4 мільёна рублёў, склаўшы на 1 сакавіка 11,5 мільярда рублёў. Пра гэта сведчаць даныя, апублікаваныя на сайце Нацыянальнага банка. Гэта яўны знак таго, што беларусы давяраюць беларускаму рублю і вераць у стабільнасць нашай эканомікі.
