Сеткавае выданне zviazda.by

Дэпутаты Палаты прадстаўнікоў на пасяджэнні другой сесіі прынялі ў другім чытанні законапраект «Аб змяненні Закона Рэспублікі Беларусь «Аб дарожным руху». Дакумент накіраваны на ўдасканаленне грамадскіх адносін, якія ўзнікаюць пры прадастаўленні права кіравання колавым трактарам і самаходнай машынай.

Працягваецца серыя сустрэч Прэзідэнта Беларусі Аляксандра Лукашэнкі з замежнымі гасцямі. У аўторак беларускі лідар сустрэўся з дэлегацыяй Панафрыканскага парламента на чале са старшынёй Фарчунам Зефаніяй Чарумбіра. Дэлегацыя працавала назіральнікамі на выбарах Прэзідэнта. А паколькі Беларусь актыўна пашырае сваю прысутнасць у Афрыцы, электаральнай кампаніяй размова з кіраўніком дзяржавы не абмежавалася. Тым больш, як звярнуў увагу Аляксандр Лукашэнка, гэта першы візіт такой прадстаўнічай дэлегацыі Панафрыканскага парламента ў нашу краіну.

Прэм’ер-міністр Беларусі Раман Галоўчанка знаходзіцца з рабочым візітам Алматы (Казахстан) 30-31 студзеня для ўдзелу ў пасяджэнні Еўразійскага міжурадавага савета, паведамляе БелТА.

І хоць мінулыя прэзідэнцкія выбары — факт, які адбыўся, іх вынікі і безумоўная перамога дзеючага Прэзідэнта Аляксандра Лукашэнкі з падтрымкай 86,82 % выбаршчыкаў, якія прынялі ўдзел у галасаванні, — яшчэ доўга будзе бударажыць нашых заходніх апанентаў. Жартачкі вам: пасля ўзрушэнняў 2020-га беларусы зрабілі высновы і спакойна і ўзважана абралі свой шлях развіцця. Пра акцэнты цяперашняй электаральнай кампаніі пагаварылі з экспертамі.

Старшыня Палаты прадстаўнікоў Нацыянальнага сходу Рэспублікі Беларусь адзначыў, што цяперашняя сустрэча фактычна прадаўжае дамоўленасці, дасягнутыя ў мінулым годзе.

Наталля Качанава сустрэлася са старшынёй Нацыянальнага савета правінцый ПАР Рэфілвэ Марыяй Мцвені-Цыпанэ. Па словах Старшыні Савета Рэспублікі, адносіны паміж Беларуссю і Паўднёва-Афрыканскай Рэспублікай, а таксама ўзаемныя візіты трэба інтэнсіфікаваць.

Цэнтральную выбарчую камісію наведала прадстаўнічая дэлегацыя міжнародных назіральнікаў з Ірана на чале з паслом гэтай краіны ў Беларусі. Акрамя таго, адбылася сустрэча старшыні Цэнтрвыбаркама з незалежным назіральнікам з Філіпін.

Прэм’ер-міністр Раман Галоўчанка днямі правёў нараду па пытаннях выканання даручэнняў Прэзідэнта па выніках візіту ў Аман, паведамілі ў прэс-службе ўрада.

Пакуль «вялікія» еўрапейскія эксперты, якія нават ніколі не былі ў Беларусі, даюць ацэнку нашым прэзідэнцкім выбарам, міжнародныя назіральнікі і незалежная экспертная супольнасць з 52 краін свету, якія гэтымі днямі сачылі за найважнейшай электаральнай падзеяй у нашай краіне, расказваюць, як гэта было на самай справе. Усе з іх адзначаюць высокую яўку грамадзян, адкрытасць і даступнасць усіх суб’ектаў выбарчага працэсу, празрыстасць, галоснасць і дэмакратычнасць нашых выбараў. Галоўнае, што сваё слова выказаў народ, зрабіўшы выбар за дзеючага кіраўніка дзяржавы, а значыць — за стабільнасць, мірную і светлую будучыню.

Каардынатар групы міжнародных назіральнікаў ад Парламенцкай Асамблеі АДКБ, намеснік Старшыні Дзяржаўнай Думы Федэральнага Сходу Расійскай федэрацыі Вікторыя Абрамчанка адзначыла, што ўдзел у выбарчай кампаніі пяці кандыдатаў забяспечыў спаборніцкі характар выбараў і даў выбаршчыкам рэальную магчымасць зрабіць усвядомлены выбар. «Цэнтральная выбарчая камісія і сродкі масавай інфармацыі прадаставілі грамадзянам Беларусі ўсю неабходную інфармацыю аб кандыдатах і іх прадвыбарных праграмах, — удакладніла яна. — Прадвыбарная агітацыя праходзіла ў адпаведнасці з заканадаўствам і не парушала правы ўдзельнікаў выбарчага працэсу».