Сеткавае выданне zviazda.by

Спачатку былі пісьмы — пра гаротнае ваеннае дзяцінства, бацькоў, пра ненавісную настаўніцу, якая біла дзяцей, і любімую, што выкладала беларускую мову; пісьмы-роздумы пра жыццё і праблемы выхавання, пра лёсы канкрэтных людзей. Былі ўрэшце вясёлыя ды праўдзівыя гісторыі аб прыгодах мясцовага Несцеркі — шаўца Грышы Карабейкі і яго сябра Моні.

Адзін з самых каштоўных вобразаў, створаных на кінастудыі «Беларусьфільм», — Скарына, якога сыграў Алег Янкоўскі. Можна сказаць, што майму пакаленню кінагледачоў моцна пашанцавала, бо мы атрымалі Скарыну ў выглядзе сучаснай кіназоркі, а не немаладога дзядзькі, выразанага на дрэве ў часы далёкага Адраджэння. Наш Скарына разам з Алегам Янкоўскім быў не толькі перакладчыкам ды ілюстратарам старазапаветных тэкстаў, не толькі біблеістам і кнігавыдаўцом. Дзякуючы Янкоўскаму ён быў, а для многіх і застаецца яшчэ і секс-сімвалам савецкага кіно.

Разам сабраны творы паэтаў Берасцейшчыны. 27 аўтараў прадставілі свае паэтычныя здабыткі, прысвечаныя 85-годдзю Брэсцкай вобласці і 80-годдзю вызвалення Беларусі ад нямецка-фашысцкіх захопнікаў. Падрыхтавалі выданне як укладальнікі Таццяна Дзмідовіч і Наталля Ніжнік. Звычайна калектыўныя зборнікі чытаюцца складана, бо творы ў іх прадстаўляюць розныя аўтары. Тэматычныя абсягі ў такіх выпадках даволі ўмоўна пазначаны. Ды і ўзровень у аўтараў зборнікаў, зразумела, розны...

У мінулым годзе былі сфарміраваны манетарныя ўмовы, якія неабходныя для ўстойлівага эканамічнага развіцця краіны. Такую тэндэнцыю адзначылі падчас пашыранага пасяджэння праўлення Нацбанка.

Герой тыдня. Кірыл Маскевіч — абсалютны чэмпіён Беларусі па грэка-рымскай барацьбе. Гэты тытул спартсмен, які выступае ў вагавой катэгорыі да 97 кг заваяваў у схватцы з чэмпіёнам краіны 2025 года Паўлам Глінчуком, які выступае ў катэгорыі да 130 кг. Кірыл Маскевіч з’яўляецца пераможцам Кубка свету 2020 года, сярэбраным медалістам чэмпіянату свету 2021 года і двухразовым прызёрам кантынентальных форумаў (2021-ы — «серабро», 2024-ы — «бронза»).

Канцэрн «Беллегпрам» стварае новую экіпіроўку для каманды «МАЗ-СПОРТаўта». Куратарамі праекта выступаюць вядомыя беларускія дызайнеры — галоўны мастак-мадэльер Дызайн-цэнтра ААТ «Камволь» Эльвіра Жвікава і мадэльер-дызайнер брэнда LEMONGRASS Алена Брыцька.

Часам мову жывапісу Міколы Кірэева параўноўваюць з музыкай — і сапраўды, у тонкіх пералівах колераў ягоных палотнаў нібыта заўсёды чуецца мелодыя... Часам — лірычная, часам — драматычна-напружаная...

Доктар мастацтвазнаўства, выкладчык Гродзенскага дзяржаўнага музычнага каледжа, прафесар Гродзенскага дзяржаўнага ўніверсітэта імя Янкі Купалы Інеса Двужыльная вядома ў нашай краіне і за яе межамі фундаментальнымі даследаваннямі тэмы Халакосту ў акадэмічнай музыцы краін былога Савецкага Саюза. Даследаванні надзвычай цікавыя. За імі стаяць два дзесяцігоддзі напружанай працы. Грунтоўна вывучаліся архіўныя матэрыялы і апублікаваныя крыніцы на рускай, англійскай, нямецкай, польскай, украінскай мовах. Былі глыбока прааналізаваны рукапісы музычных твораў, а таксама праведзена гіганцкая работа па апрацоўцы аўдыя- і відэавізуальных запісаў, інтэрв’ю, гутарак і перапіскі з кампазітарамі і іх сваякамі, выканаўцамі, музыказнаўцамі, этнамузыколагамі, якія займаюцца рознымі пытаннямі ашкеназскай музычнай культуры. Шмат інфармацыі Інеса Двужыльная чэрпала падчас замежных стажыровак у адукацыйных цэнтрах Халакосту, музеях розных краін (Расіі, Ізраіля, Украіны, Германіі, Францыі, Польшчы, Літвы, Латвіі). Несумненна, вялікае значэнне мае падтрыманне асабістых кантактаў з вядучымі гісторыкамі пазначанай тэмы.

На выбарах Прэзідэнта Беларусі па краіне дома прагаласавала больш як 278 тыс. выбаршчыкаў, паведаміла начальнік аддзела прававой, аналітычнай і метадычнай работы апарату Цэнтральнай выбарчай камісіі Беларусі Алена Грыгаровіч.

Пачатак другой паловы мінулага стагоддзя мае бацькі называлі часам вялікіх перамяшчэнняў: нехта самахоць ехаў туды, дзе, здавалася, будзе лепей, некага накіроўвалі на работу ці проста... звозілі. Менавіта такім чынам Ганначка, родная сястра маёй мамы (прыгажуня, разумніца, жаніхоў — цьма!), апынулася на цаліне.