Навiны
Дзевяць беларусаў выступяць на чэмпіянаце Еўропы па дзюдо ў Чарнагорыі
Беларусы сталі пятымі ў камандным турніры на Кубку Расіі па спартыўнай гімнастыцы
Сасновіч выйшла ў асноўную сетку турніру WTA-1000 у Мадрыдзе
«Юнацтва» стала 11-разовым чэмпіёнам Беларусі па хакеі
Фінал Кубка Прэзідэнта дайшоў да вырашальнага сёмага матчу пяты раз у гісторыі экстралігі і трэці раз за апошнія чатыры гады. Галоўны паядынак сезона 24/25 прыняла «Чыжоўка-Арэна».
Беларусы заваявалі сем медалёў чэмпіянату Еўропы
Лічба тыдня. Сем медалёў заваявалі беларускія спартсмены на чэмпіянаце Еўропы па барацьбе. Адзінае золата ў скарбонку беларускай зборнай прынесла Аліна Шаўчук, якая стала мацнейшай у катэгорыі да 68 кг. Сярэбраныя ўзнагароды заваявалі барэц вольнага стылю Магамедхабіб Кадзімагамедаў (да 86 кг). Бронзавымі прызёрамі сталі Наталля Варакіна (да 50 кг), Анастасія Зімянкова (да 76 кг), Арыян Цютрын (да 57 кг), Дзяніс Храмянкоў (да 125 кг) і Кірыл Маскевіч (да 97 кг, грэка-рымская).
У Віцебску людзі з інваліднасцю маюць магчымасць іграць у футбол
Здараецца, што людзі, звычайнае жыццё якіх перарвала інваліднасць, поўнасцю губляюць сэнс жыць далей, апускаючы рукі. Аднак у Віцебскай абласной арганізацыі грамадскага аб’яднання «Беларускае таварыства інвалідаў» добра ведаюць, як пераўтварыць абмежаванасць здароўя ў перавагу і знайсці сябе, бо менавіта ў горадзе на Дзвіне дзейнічае адзіная ў Беларусі каманда па футболе на электракалясках.
Прэзідэнт наведаў трэніроўку «Дынама-Мінск», каб падтрымаць «зуброў» перад важнымі матчамі
Галоўныя спартыўныя героі гэтага тыдня — хакеісты «Дынама-Мінска». Упершыню ў гісторыі каманда выйшла ў другі раўнд плэй-оф Кантынентальнай хакейнай лігі. У першым раўндзе, у серыі з маскоўскім ЦСКА, «зубры» змагаліся вельмі рашуча, чым парадавалі ўсю краіну. Наступным сапернікам беларусаў стане чалябінскі «Трактар». Серыя пачнецца 12 красавіка ў Чалябінску. А пакуль на лёдзе «Мінск-арэны» кіпіць работа: дынамаўцы настроены рашуча. Баявога настрою ім дадала і сустрэча з Прэзідэнтам Аляксандрам Лукашэнкам, які наведаў трэніроўку хакеістаў, сам стаўшы на канькі.
Антон Смольскі паставіў прыгожую кропку ў біятлонным сезоне
Трыумф тыдня. Хакеісты мінскага «Дынама» ўпершыню ў гісторыі клуба прабіліся ў другі раўнд плэй-оф Кантынентальнай хакейнай лігі. У першым раўндзе плэй-оф сезона-2024/2025 мінчане сустракаліся з маскоўскім ЦСКА. Вынік серыі — 4:2 на карысць «зуброў». Сапернікам мінскіх хакеістаў у другім раўндзе стане чалябінскі «Трактар».
Прарыў «Дынама», сенсацыя з Віцебска і заакіянскі рэкорд — гісторыя хакея пішацца на нашых вачах
Мінулыя выхадныя атрымаліся цалкам прысвечаныя хакею. Нават тыя, хто звычайна не сочыць за лядовымі падзеямі, у гэтыя дні праігнараваць хакейныя навіны проста не маглі. Гэтымі днямі хакеісты стварылі гісторыю, якая ўжо ўпісана ў спартыўны летапіс. Аднак, аб ўсім па парадку.
Лукашэнка: Даяце вынік — атрымліваеце грошы. Няма выніку — няма грошай. Вось галоўная формула
Аляксандр Лукашэнка падкрэсліў, што сабраў гэтую нараду для таго, каб абмеркаваць, наколькі эфектыўна расходуюцца сродкі на развіццё спорту, і ў прыватнасці гульнявых відаў. «Таму што гэта наша ўсё, гэта тое, што любіць народ і тысячы-тысячы чалавек прыходзяць на гэтыя гульні», — сказаў ён. Кіраўнік дзяржавы заўважыў, што неабходнасць абмеркавання дадзенай праблемы наспела даўно. «Мы, канешне, выпрацавалі пэўную сістэму падтрымкі каманд, трэнераў, спартсменаў. Нам трэба з улікам нашага досведу і выпрацоўкі тых кірункаў нашага супрацоўніцтва адкінуць усё непатрэбнае і вызначыцца, як будзем жыць далей», — задаў тон нарады беларускі лідар.
