Сеткавае выданне zviazda.by

Здароўе людзей з’яўляецца адным з ключавых клопатаў дзяржавы. Пра гэта ў чарговы раз нагадаў Прэзiдэнт Беларусi Аляксандр Лукашэнка на сустрэчы 14 красавiка са старшынёй Мiнскага гарвыканкама. Важным складнiкам здаровай нацыi з’яўляецца аздараўленне як дзяцей, так i дарослых, i наша краiна — адна з нямногiх на постсавецкай прасторы, дзе такiя магчымасцi ёсць, прычым з дзяржаўнай падтрымкай. У апошнiя гады попыт на пуцёўкi ў дзiцячыя лагеры i санаторна-курортныя арганiзацыi павялiчваецца. Сёлета ў летнiя месяцы плануецца аздаравiць каля 400 тысяч дзяцей i больш за 150 тысяч дарослых. Колькi будзе каштаваць пуцёўка ў дзiцячы лагер i санаторый? Цi засталiся яшчэ месцы ў здраўнiцах на чэрвень—жнiвень? Чым беларускi санаторый выгадна адрознiваецца ад курортаў Турцыi i Егiпта? Пра гэта расказаў дырэктар Рэспублiканскага цэнтра па аздараўленнi i санаторна-курортным лячэннi насельнiцтва Генадзь Балбатоўскi.

У студзенi заслужаную ўзнагароду кiраўнiку прадпрыемства ўручыў Прэзiдэнт Беларусi. Пазней, наведваючы завод, Аляксандр Лукашэнка канстатаваў: «...Калi я бачу аўтамабiль МАЗ, наш аўтобус, тралейбус, гэта гонар. I я шчаслiвы, што мы захавалi нашу краiну як машынабудаўнiчую». Агледзеўшы мадэльны рад пасажырскай тэхнiкi МАЗ i зборачныя ўчасткi, кiраўнiк дзяржавы падкрэслiў, што калi прадукцыя будзе якасная, то яе будуць купляць, нягледзячы на вялiкую канкурэнцыю на рынку.

Аўтамабільная асацыяцыя «БАА» падвяла вынікі продажаў 2024 года. Летась аўтадылеры рэалізавалі 53178 новых легкавых і лёгкіх камерцыйных аўтамабіляў. Гаворка ідзе пра аўто, якія былі пастаўлены ў Беларусь па афіцыйных каналах або зробленыя ў Беларусі. Гэта больш чым удвая перавышае паказчык 2023-га, калі было прададзена 25408 машын, адзначыў Дзмітрый ЯРОТА, дырэктар УП «БАА-Кансалт».

У Беларусi на працягу ўжо многiх гадоў у прыярытэце харчовая бяспека. Гэтая стабiльнасць падтрымлiваецца ў нас дзякуючы ўласнай вытворчасцi i даступнасцi для насельнiцтва прадуктаў высокай якасцi па сацыяльна справядлiвых цэнах, лiчыць намеснiк дырэктара па навуковай рабоце Iнстытута сiстэмных даследаванняў у АПК НАН Беларусi Святлана КАНДРАЦЕНКА.

Вялікія шафы з дыпломамі, узнагародамі — амаль паўстагоддзя працы Бярозаўскага мясакансервавага камбіната адлюстраваны ў «зале славы» прадпрыемства. Толькі за мінулы год дзясятак высокіх адзнак на розных конкурсах, у тым ліку прэмія ўрада ў галіне якасці. І аб’ёмы ўражваюць. На прадпрыемстве лічаць, што на якасць гатовага прадукту ўплывае кожны этап: пачынаючы з вырошчвання жывёлы і заканчваючы работай у цэхах і гандлем. Пакупнікі ахвотна бяруць смачную прадукцыю.

Не так даўно на ўрачыстае адкрыццё новага фельчарска-акушэрскага пункта сабралася ледзь не ўся вёска Зарэчка Драгічынскага раёна. Яно і зразумела. Увядзенне ў строй будынка вясковай медустановы важна для ўсіх, бо паспрыяе павышэнню якасці абслугоўвання кожнага пацыента, а таксама паляпшэнню ўмоў работы персаналу ФАПа.

На тэрыторыі Віцебскай вобласці функцыянуюць 25 тэрытарыяльных цэнтраў сацыяльнага абслугоўвання насельніцтва. У кожнага — свае метады і формы работы з падапечнымі, аднак Пастаўскі ТЦСАН, безумоўна, можна назваць лідарам у якасці аказання паслуг пажылым і інвалідам, бо не першы год установа становіцца найлепшай у краіне. Па выніках мінулага года калектыў сацыяльных работнікаў з Пастаў таксама названы пераможцам спаборніцтваў у сферы сацыяльнага абслугоўвання.

Беларускія і расійскія вучоныя будуць супрацоўнічаць у сферы рабатызацыі ферм і працэсаў у садаводстве. Пра гэта паведаміў падчас выязнога прэс-тура генеральны дырэктар Навукова-практычнага цэнтра Нацыянальнай акадэміі навук (НПЦ НАН) Беларусі па механізацыі сельскай гаспадаркі Дзмітрый Комлач.

Узровень медыцынскіх паслуг, асабліва ў сельскіх населеных пунктах, заўсёды знаходзіцца ў полі зроку кіраўніцтва дзяржавы. Штогод у краіне адкрываюць новыя ўстановы аховы здароўя з сучасным тэхналагічным абсталяваннем, пазітыўныя змяненні закранаюць і фельчарска-акушэрскія пункты, якія з’яўляюцца для вяскоўцаў першым і часам адзіным пунктам хуткай медыцынскай дапамогі.

Лельчыцкі раён — адзін з уключаных у склад праграмы развіцця раёнаў Прыпяцкага Палесся — цяпер, сапраўды, перажывае абнаўленне ў самых розных сферах. Маштабная мадэрнізацыя закранула ў тым ліку цеплавую гаспадарку раёна. Сёння ў Лельчыцах рэалізуюць знакавы для райцэнтра праект — рэканструкцыю цэнтральнай кацельні.