Навiны
Моладзь паказвае прыклад грамадзянскай адказнасці
Студэнты Мазырскага дзяржаўнага педагагічнага ўніверсітэта імя І. П. Шамякіна ўзялі ўдзел у рэспубліканскай акцыі «Твой голас першы».
Стратэгічнае бачанне, практычны клопат
Традыцыйна падчас паездкі на якое-небудзь прадпрыемства Аляксандр Лукашэнка не абмяжоўваецца знаёмствам з вытворчасцю. Як правіла, кіраўнік дзяржавы ставіць стратэгічныя задачы, важныя для ўсёй краіны, а падчас размовы з калектывам закранае самыя розныя тэмы, якія цікавяць і хвалююць людзей. Не стала выключэннем і наведванне МАЗа. Мы пацікавіліся ў экспертаў, на што звярнулі ўвагу яны падчас візіту Прэзідэнта на адно з самых вядомых не толькі ў краіне прадпрыемстваў.
Сяргей Вязовіч: Зімой трэба набраць максімальную фізічную і тэхнічную форму
На сустрэчы з камандай «МАЗ-СПОРТ-аўта» Прэзідэнт Аляксандр Лукашэнка адзначыў, што камандзе неабходна рыхтаваць рэзерв. Змена пакаленняў часта становіцца вялікай праблемай для розных відаў спорту. У выпадку з «МАЗ-СПОРТ-аўта», калі нешта здараецца з лідзіруючым экіпажам, а гэта як правіла экіпаж Сяргея Вязовіча, то барацьба за высокія вынікі заканчваецца. Гэтага, канешне, нікому не хочацца. Таму падрыхтоўка маладога пакалення павінна праводзіцца пастаянна. Спыталі ў начальніка «МАЗ-СПОРТ-аўта» Сяргея Вязовіча, як гэта работа ідзе ў камандзе.
Аляксандр Лукашэнка: «Я шчаслівы, што мы захавалі нашу краіну як машынабудаўнічую»
Прэзідэнт Беларусі Аляксандр Лукашэнка неаднаразова казаў, што такія прадпрыемствы, як МАЗ, МТЗ, БелАЗ, Мотавелазавод, Гомсельмаш і іншыя прамысловыя гіганты — гэта брэнд краіны. Больш за тое, на што таксама часта звяртае ўвагу кіраўнік дзяржавы, гэта ўнікальныя школы, найважнейшыя кампетэнцыі, якія беларусы захавалі яшчэ з савецкіх часоў і якія ўносяць вялікі ўклад у эканоміку. Таму яны пастаянна знаходзяцца ў цэнтры ўвагі. І дзяржава не шкадуе сродкаў на іх мадэрнізацыю і ўдасканаленне, з галоўным патрабаваннем — даць вынік.
Подзвігі на зямлі і ў небе
Для гітлераўскага камандавання Калінкавіцкі вузел чыгуначных і шасэйных дарог меў выключную важнасць, а таму вораг прыняў усе меры для ўмацавання сваіх пазіцый. Аднак доўгачасовыя абарончыя збудаванні, канцэнтрацыя вялікай колькасці танкаў, гармат і мінамётаў не спынілі наступленне савецкіх войскаў. Кровапралітныя баі разгарнуліся на зямлі і ў небе. Нягледзячы на тое, што сітуацыю яшчэ ўскладняла цяжкапраходная балоцістая мясцовасць і няўстойлівае надвор’е, калі моцныя маразы раптоўна змяняліся адлігай, чырвонаармейцы паспяхова справіліся з пастаўленымі задачамі. Толькі за вызваленне Калінкавіцкага і Мазырскага раёнаў савецкія войскі заплацілі вельмі высокую цану — у сотнях брацкіх магіл спачываюць тысячы нашых салдат і афіцэраў.
