Сеткавае выданне zviazda.by

З 1 сакавіка паміж Беларуссю і Расіяй пачалі дзейнічаць больш камфортныя ўмовы для абанентаў сотавай сувязі. На тэрыторыі Саюзнай дзяржавы карыстальнікі мабільнай сувязі атрымліваюць пакеты бясплатных хвілін для здзяйснення званкоў.

Верагодна, неўзабаве ў Беларусі з’явіцца сухі вінаградны напой з уласнай сыравіны. Не «хатні» — з чарнаплодкі, з пальчаткай на слоіку, а самы сапраўдны, што не саступае смакам і якасцю традыцыйным рэцэптам.

Напярэдадні 8 Сакавіка лепшым з лепшых сярод прадстаўніц прыгожага полу беларускай сталіцы прысвоена ганаровае званне «Жанчына года — 2024». Мінчанак, якія дабіліся выдатных поспехаў у розных сферах дзейнасці і праславілі Беларусь, ушаноўвалі ў Мінскім гарадскім палацы культуры.

Жаданне даць свайму дзіцяці ўсё самае лепшае часам у сучасных бацькоў трансфармуецца ў формулу «купіць яму ўсё, чаго ён хоча». Тавары для дзяцей і падлеткаў закліканы дарыць радасць дзецям і рабіць лягчэй жыццё бацькоў, але часам яны могуць утойваць небяспеку, адзначаюць спецыялісты Дзяржстандарта, педыятры і педагогі. У найбліжэйшыя гады бяспека дзіцячых тавараў будзе знаходзіцца пад самай пільнай увагай спецыялістаў па стандартызацыі як нашай краіны, так і партнёраў па Еўразійскім эканамічным саюзе.

8 Сакавіка — нагода парадаваць каханых жанчын падарункамі. А што менавіта падарыць дарагім і любімым — жонцы і маме, дочкам, цешчы і калегам, — паспрабуем разабрацца.

Сёння галіна сельскай гаспадаркі ў ліку асноўных спажыўцоў ноу-хау. Ва ўмовах навукова-тэхнічнай канкурэнцыі і кліматычных выклікаў рухацца наперад без навукі немагчыма: неабходны новыя распрацоўкі і механізмы іх укаранення ў практыку ў галіне сельгасабсталявання і сродкаў абароны раслін, біятэхналогій і геннага мадэлявання, рэсурсазберажэння і лічбавых інтэлектуальных тэхналогій. Усё гэта дазваляе павялічыць ураджайнасць і дамагчыся сучаснага ўзроўню якасці прадуктаў харчавання.

У 2025 годзе ў Беларусі будуць распрацаваны 326 стандартаў (у тым ліку 130 ДАСТ) і змяненняў да дзеючых стандартаў у розных галінах эканомікі і сацыяльнага сектара — у прыватнасці ў галіне беспілотных транспартных сродкаў, лёгкай і харчовай прамысловасці.

Распрацоўка інавацыйных прадуктаў харчавання сёння ў ліку прыярытэтаў ва ўсім свеце. Навуковыя цэнтры імкнуцца задаволіць запыт сучаснага чалавека на перадавыя распрацоўкі, якія дазваляюць атрымліваць асалоду ад смачных страў без шкоды для здароўя.

Кожную гадзіну з канвеера завода «БЕЛДЖЫ» сыходзіць 15 аднайменных легкавых машын. Летась з пляцоўкі завода выехала больш за 91 тысячу аўтамабіляў Belgee, з якіх каля 26 тысяч было прададзена ў Беларусі, і прыблізна 67 тысяч адправілася ў Расію, расказала намеснік дырэктара па маркетынгу і продажам СЗАТ «БЕЛДЖЫ» Наталля Харкова. Сёлета выпуск аўто для беларускага рынку плануецца павялічыць мінімум на 15 %. Сёння па дарогах нашай краіны ездзіць каля 70 тысяч Belgee. Мы пабывалі ў цэхах завода і даведаліся, як збіраюць Belgee, ці могуць аўтааматары давяраць беларускай якасці і якія спажывецкія прадузятасці ўдалося пераадолець.

Метады селекцыі агароднінных культур (як і іншых стратэгічна важных сельгасраслін — пладовых, збожжавых і г. д.) удасканальваюцца ў свеце імкліва. Каб паспяваць за працэсам, патрэбныя высакакласныя спецыялісты і высокатэхналагічнае абсталяванне. Асабісты талент селекцыянера і любоў да зямлі, вядома, таксама ніхто не адмяняў, але вынік залежыць не ад «мічурынскага запала», а ад сучасных селекцыйных методык. Намеснік генеральнага дырэктара па навуковай рабоце НПЦ НАН Беларусі па бульбаводстве і агародніцтве Андрэй Чайкоўскі распавёў аб тым, наколькі сёння беларуская селекцыя можа канкурыраваць з замежнай.