Сеткавае выданне zviazda.by

Прэм’ера творчага праекта «Жыві і памятай» мастацкага кіраўніка фальклорнай групы «Купалінка» Ганны Сцепанковай, прымеркаванага да 80-годдзя Вялікай Перамогі, адбудзецца 23 красавіка ў Белдзяржфілармоніі, паведамляюць «Минск-Новости».

Даступная медыцына — прыярытэт дзяржавы

Аграрыі пасеялі 38% яравых культур на плошчы 877,4 тыс. га, у тым ліку сяўба ранніх яравых збожжавых і зернебабовых культур без уліку кукурузы, грэчкі і проса завершана на плошчы 523,7 тыс. га, што складае 90,9% ад плана, паведамляе БелТА са спасылкай на Міністэрства сельскай гаспадаркі і харчавання.

Да музыкі кампазітараў XX стагоддзя беларускія калектывы звяртаюцца радзей, чым да спадчыны творцаў пазамінулых вякоў. А калі гэта адбываецца, то перавага аддаецца рускім і беларускім аўтарам, і нездарма: шанаваць зробленае геніяльнымі папярэднікамі, творчасць якіх стала сусветным набыткам, — сапраўдны абавязак.

Сумесны канцэрт ансамбля салістаў «Класік-Авангард» (мастацкі кіраўнік і дырыжор — Людміла Каліноўская), джазавага квінтэта Арка Аўруцкага і вакаліста Дзмітрыя Наскова прайшоў у Вялікай канцэртнай зале Белдзяржфілармоніі.

Больш твораў з нацыянальным характарам у высокіх жанрах оперы і балета — гэта пастаяннае пажаданне, скіраванае ў большай ступені ў боку Вялікага тэатра Беларусі. Але сёлета ініцыятыву перахоплівае Беларускі дзяржаўны акадэмічны музычны тэатр, у складзе якога ёсць балетная трупа. І нараджаецца спектакль «Купалле», які можна назваць нацыянальным творам.

Канцэртная праграма «Скандынаўская сага» ў Беларускай дзяржаўнай філармоніі прываблівае не толькі паўночным кірункам музычнага майстэрства, але і вяртаннем (праз 10 гадоў!) у рэпертуар Дзяржаўнага камернага аркестра Рэспублікі Беларусь добра вядомых мінскай публіцы кампазіцый. У Вялікай зале прагучалі творы музычнага казачніка Карла Іахіма Андэрсана, класіка скандынаўскай музыкі Эдварда Грыга, яго сучасніка Юхана Свенсана і іншых. Аднак аб усім па парадку.

«Што наша жыццё? Гульня!..» — згадвалася падчас прэм’еры аднаактавых балетаў пад агульнай назвай «Скокі» ў Вялікім тэатры Беларусі. Нехта гуляе з лёсам, імкнучыся кінуць яму выклік, не разумеючы рэальных магчымасцяў звычайнага чалавека. Нехта гуляе з каханнем, падмяняючы пачуццё сексуальным інстынктам, без думак пра тое, што ёсць мяжа, за якой разняволенасць ператвараецца ў смерць душы і нават фізічнае знішчэнне. А можна гуляць з мастацтвам, прынамсі, галоўны балетмайстар тэатра Ігар Колб сваімі пастаноўкамі прымушае задумацца пра тое, што ўспрыманне мастацкіх з’яў суб’ектыўнае і шмат у чым залежыць ад чаканняў, з якім мы ідзем, напрыклад, у тэатр. Бо для кагосьці мае значэнне найперш балет як мастацтва харэаграфіі, а хтосьці, успрымаючы агулам тое шоу, што зроблена на сцэне: ну, эфектна ж…

У сталiчным кiнатэатры «Перамога», як i па ўсёй нашай краiне, адбылася вялiкая прэм’ера: нацыянальная кiнастудыя «Беларусьфiльм» прадставiла дылогiю аб генацыдзе беларускага народа. Яна здымалася на працягу двух гадоў у шчыльным кантакце з Генеральнай пракуратурай Рэспублiкi Беларусь, па iнiцыятыве якой i з’явiлiся гэтыя карцiны. Яны змяшчаюць унiкальныя архiўныя кадры, успамiны сведкаў, каментарыi спiкераў. Перад праглядам усiм жадаючым прапаноўвалi пакаштаваць «лагерны» хлеб з вадой, пазнаёмiцца з выстаўкай Беларускага дзяржаўнага музея гiсторыi Вялiкай Айчыннай вайны, прысвечанай тэме генацыду i гiсторыi стварэння фiльмаў «Лагеры смерцi» i «Спаленыя вёскi».

Цяпер нацыянальны парк сустракае турыстаў па-новаму. Сучасны выгляд набыла ўязная брама. Варта сказаць, што канцэпцыя развiцця аб’ектаў Белавежскай пушчы да 2030 года распрацавана некалькi гадоў таму. У працэсе былi абазначаны дзве мэты: захаванне спадчыны — устойлiвае развiццё i маркетынг — прыцягненне турыстаў.