Сеткавае выданне zviazda.by

Ужо напрыканцы лета ў Новалукомлі плануюць запусціць новую вытворчасць беларускіх рыбных кансерваў. Праектам, які рэалізуецца ў рамках інвестпраграмы «Адзін раён — адзін праект», займаецца прыватнае прадпрыемства «Лукомльскі кансервавы завод». Для гэтага інвестару быў прадастаўлены зямельны ўчастак плошчай 2,8 гектара і перададзена ў арэнду возера Лукомльскае.

Выконваючы абавязкі старшыні Гродзенскага аблвыканкама Юрый Караеў правёў прамую тэлефонную лінію і асабісты прыём грамадзян у Бераставіцкім райвыканкаме. Званкі на яе паступалі не толькі з Бераставіцкага, але і іншых раёнаў вобласці і рэспублікі, паведамляе тэлеграм-канал Пул 4 Рэгіён.

У Дзяржаўнай установе культуры «Цэнтралізаваная бібліятэчная сетка Шклоўскага раёна» паспяхова рэалізуецца праграма падрыхтоўкі кадраў. І крэатыўных бібліятэкараў становіцца ўсё больш. Адзін з іх — малады спецыяліст Шклоўскай цэнтральнай раённай бібліятэкі Дзмітрый Шведаў.

У Мінскай вобласці ўжо стала добрай традыцыяй кожны год узводзіць мінімум адзін дом для супрацоўнікаў органаў унутраных спраў. Не стаў выключэннем і цяперашні — утульная 11-павярхоўка на вуліцы Васільковай у аграгарадку Сеніца Мінскага раёна сёння прыняла навасёлаў. 217 сем’яў супрацоўнікаў органаў унутраных спраў цэнтральнага рэгіёна атрымалі ключы ад уласных кватэр. Павіншаваць людзей з такой падзеяй прыехалі старшыня Мінскага аблвыканкама Аляксандр Турчын і міністр унутраных спраў генерал-лейтэнант міліцыі Іван Кубракоў.

Новы корпус экстраннай хірургіі Магілёўскай клінічнай бальніцы хуткай медыцынскай дапамогі, які працуе з пачатку года, — прыклад клопату дзяржавы пра здароўе нацыі. Тут створана высокатэхналагічная база для аказання неадкладнай дапамогі пацыентам з хваробамі кровазвароту — сёння гэта адна з прычын высокай смяротнасці ва ўсім свеце. У адпаведнасці з пасылам Прэзідэнта асноўнай задачай аховы здароўя лічыцца зніжэнне лятальнасці ад кіраваных прычын. І новы корпус на ўсе 100 % адпавядае гэтай мэце.

На пасяджэнні Гродзенскага аблвыканкама былі разгледжаны вынікі сацыяльна-эканамічнага развіцця Гродзенскай вобласці за 2024 год і задачы на 2025 год, а таксама выкананне бюджэту рэгіёна за 2024 год і задачы па выкананні бюджэту на 2025 год.

Традыцыйны адзіны дзень прыёмы грамадзян, які члены Савета Рэспублікі праводзяць у рэгіёнах краіны , 3 сакавіка пройдзе ў Мінскай вобласці, паведамілі ў прэс-службе Савета Рэспублікі.

Спікер узяў удзел у пасяджэнні Віцебскага аблвыканкама, прысвечаным інвестыцыйнай дзейнасці ў раёнах вобласці. Ігар Сергяенка выказаў думку, што стрымлівае інвестыцыйную дзейнасць Віцебскай вобласці, калі меркаваць па мінулым годзе, перш за ўсё неасваенне сродкаў па розных кірунках.

У музеі захоўваецца ўнікальная перапіска пісьменнікаў Канстанціна Сіманава і Давіда Ортэнберга. Лісты былі перададзены ў якасці гуманітарнай дапамогі. І гэта толькі адзін з прыкладаў, калі ўстанова бясплатна атрымлівае каштоўныя экспанаты. На думку намесніка дырэктара абласнога краязнаўчага музея Аляксандры Бураковай, гэта добрая магчымасць не толькі папоўніць фонды, але і адкрыць новыя старонкі гісторыі.

Руслан Кот з Дубровеншчыны — асоба ў сельскагаспадарчых колах Віцебшчыны вядомая. Трэці год мужчына працуе на малочнатаварнай ферме «Старая Буда» СГФ імя Ю. Смірнова ААТ «Аршанскі КХП», амаль столькі ж ён выходзіць пераможцам абласнога спаборніцтва па вытворчасці малака сярод маладых аператараў машыннага даення па выніках квартала і года. Карэспандэнт «Звязды» даведалася, у чым сакрэт яго высокіх надояў.