Сеткавае выданне zviazda.by

Якасць тавараў і паслуг — тое, чым мы сапраўды можам ганарыцца. Як унутры краіны, так і далёка за яе межамі ведаюць, што «Зроблена ў Беларусі» — сведчанне гарантавана высокага ўзроўню. Прыярытэтныя мэты аб’яўленай Прэзідэнтам пяцігодкі якасці — далейшае павышэнне якасці жыцця людзей, канкурэнтаздольнасці беларускай эканомікі, удасканаленне грамадскіх адносін. А ў аснове якасці і канкурэнтаздольнасці прадукцыі і паслуг ляжаць стандарты. Чым больш прагрэсіўны ўзровень іх патрабаванняў, тым, адпаведна, лепшая якасць. Стандарты аказваюць значнае станоўчае эканамічнае ўздзеянне, стымулюючы распрацоўку новай прадукцыі і ўдасканаленне існуючай, спрыяючы развіццю рынку і паляпшэнню ўмоў паставак.

Днём і ноччу ратавальнікі прыходзяць на дапамогу людзям, якія трапілі ў бяду. Ліквідуючы надзвычайныя сітуацыі як прыроднага, так і тэхнагеннага характару, яны на ўвесь свет заявілі: няма тых задач, якія не былі б па сілах супрацоўнікам МНС Беларусі. За высокім аўтарытэтам на міжнароднай арэне і бездакорнай павагай да людзей гэтай прафесіі ўнутры краіны — добрасумленнае выкананне пастаўленых задач, аснашчэнне падраздзяленняў сучаснай пажарнай аварыйна-ратавальнай тэхнікай, тэхнічнымі сродкамі, абсталяваннем і экіпіроўкай, стварэнне камфортных умоў працы. У сукупнасці ўсё гэта ўплывае на якасць аказання дапамогі — а значыць, на захаванне чалавечых жыццяў.

Беларусь паступова і ўпэўнена фарміруе ўласную аўтамабільную прамысловасць, арыентаваную на інавацыі і якасць. Калі яшчэ некалькі дзесяцігоддзяў таму аўтамабілебудаванне асацыявалася перш за ўсё з цяжкай тэхнікай і грузавікамі, то сёння сітуацыя зусім іншая. Краіна стварыла прадпрыемствы, што выпускаюць канкурэнтаздольныя легкавыя аўтамабілі, якія адпавядаюць сусветным стандартам і запытам пакупнікоў.

Зазірнуўшы ў беларускі супермаркет, дзе на прылаўках грувасцяцца горы салямі, кумпякоў і сардэлек айчыннай вытворчасці, а ў малочным аддзеле і зусім вочы разбягаюцца — цудоўная смятана, ёгурты, ражанка, масла, малако — і ўсяго гэтага нярэдка дзясяткі відаў, госці нашай краіны нярэдка ўпадаюць у ступар. Айчынная харчовая прадукцыя заваявала сэрцы не толькі блізкіх суседзяў, але і людзей з далёкага замежжа. Найперш — сваёй найвышэйшай якасцю.

Святло перспектывы.

РНПЦ псіхічнага здароўя рэалізоўвае шэраг навуковых праектаў, асаблівасць якіх — выкарыстанне ў практычнай ахове здароўя. Адзін з іх — даследаванні ў галіне фармакагенетыкі, што дае магчымасць падабраць аптымальнае лячэнне з улікам генетычных асаблівасцяў кожнага пацыента. Пашыраецца і выкарыстанне сучасных апаратных методык, у прыватнасці транскраніяльнай магнітнай стымуляцыі, і ў найбліжэйшы час пачнецца лячэнне дэпрэсіі з выкарыстаннем метаду стымуляцыі блукаючага нерва. У планах супрацоўнікаў цэнтра — стварэнне спецыяльнага мабільнага дадатку для кантролю за сімптомамі псіхічных расстройстваў, якія змогуць папярэджваць чалавека аб магчымым абвастрэнні хваробы і даваць індывідуальныя парады, а таксама забяспечваць камунікацыю з урачом.