Сеткавае выданне zviazda.by

Напярэдадні Дня касманаўтыкі ў кінатэатры «Піянер» адбыўся прэм’ерны паказ дакументальнага фільма «Наш космас». Кінастужка выйшла на студыі «Летапіс» нацыянальнай кінастудыі «Беларусьфільм», яе рэжысёрам-пастаноўшчыкам стаў Дзмітрый Лось. Праца прысвечаная ўнёску Беларусі і беларусаў у асваенне касмічнай прасторы.

Як мы ўжо паведамлялі, Прэзідэнт Беларусі падпісаў Указ № 144 «Аб узнагароджанні вымпелам «За мужнасць і стойкасць у гады Вялікай Айчыннай вайны». Згодна з указам, ганаровай узнагароды ўдастоены яшчэ шэсць нашых гарадоў: Кобрын, Рэчыца, Слонім, Сянно, Слаўгарад і Смалявічы. Кожны з іх — прыклад подзвігу і ўсенароднага супраціўлення, праяўленых у часы Вялікай Айчыннай вайны.

У новай падборцы мы сабралі для вас адметных аўтараў Выдавецкага дома «Звязда», творы якіх стануць для чытачоў сапраўднай знаходкай. Таму што кожны з іх абуджае не проста інтарэс да сюжэта ў працэсе чытання, але і выклікае пачуцці спагады, любові і пашаны да сваёй гісторыі, натхнення мастацкім словам, пераасэнсавання сваіх і чужых учынкаў.

Зноў на працягу двух месяцаў (з 1 красавіка да 31 мая) меламанаў будуць радаваць цікавымі прапановамі на фестывалі музыкі «Мінская вясна — 2025». У афішы — канцэртныя праграмы на самы розны густ. Месцы іх правядзення традыцыйныя — Вялікая канцэртная зала і Малая зала імя Р. Шырмы Беларускай дзяржаўнай філармоніі. І ў юбілейным 40-м музычным форуме чакаецца ўдзел вядучых калектываў і салістаў — славутых музыкантаў і адоранай моладзі з Беларусі і Расіі.

Днямі ў Дзяржаўным музеі гісторыі Вялікай Айчыннай вайны далі старт новаму этапу агульнарэспубліканскай акцыі «Разам з мастацтвам», якую праводзіць Маладзёжны тэатр эстрады пры падтрымцы Міністэрства культуры Рэспублікі Беларусь. Сёлета ў планах арганізатараў — папоўніць геаграфію маштабнага мерапрыемства 18 новымі маршрутамі. Усе дыялогавыя пляцоўкі і канцэртныя праграмы прымеркаваныя да 80-годдзя Вялікай Перамогі і пройдуць пад дэвізам «Слава Пераможцам!».

Праўдзівы адбітак часу

Шматлюдна, урачыста і творча, можна сказаць, адсвяткавалі новае месца прапіскі аднаго з двух раяляў, якія «вандравалі» і былі часткай галоўных канцэртаў «Час выбраў нас» на «Марафоне адзінства». Інструмент у падарунак ад Федэрацыі прафсаюзаў атрымаў Мінскі дзяржаўны музычны каледж імя М. І. Глінкі. Перадача адбылася ў Вялікай зале навучальнай установы з удзелам высокіх гасцей, выкладчыкаў і студэнтаў.

У сераду стартуе ХХХІІ Мінская міжнародная кніжная выстаўка-кірмаш. Традыцыйная культурна-асветніцкая падзея сёлета збярэ гасцей, удзельнікаў і наведвальнікаў з 12 да 16 сакавіка. Кніжны форум, як заўсёды, абяцае быць цікавым і азнастайным. Напярэдадні арганізатары і прадстаўнікі некаторых беларускіх выдавецтваў распавялі аб ключавых падзеях, новаўвядзеннях сёлетняй выстаўкі-кірмашу, а таксама праанансавалі тэмы экспазіцый, дыскусійных і прэзентацыйных пляцовак.

На удзел у ХХХІІ Мінскай міжнароднай кніжнай выставе-кірмашы пададзена больш за 500 заявак з 20 краін. Пра гэта паведаміў намеснік міністра інфармацыі Рэспублікі Беларусь Дзяніс Езерскі. Але галоўная ўвага, як і Цэнтральны стэнд, будзе скіравана на інтэрактыўнай калектыўнай экспазіцыі дзяржаў-удзельніц Еўразійскага эканамічнага саюза.

23 лютага наша краіна традыцыйна адзначыць Дзень абаронцаў Айчыны і Узброеных Сіл Рэспублікі Беларусь. Свята мужнасці і вернасці воінскаму абавязку нясе ў сабе сімвалічнае яднанне мінулага, сучаснасці і будучыні. Напярэдадні на сустрэчы з журналістамі вядучыя спецыялісты ў галіне патрыятычнага выхавання, прадстаўнікі грамадскіх арганізацый падзяліліся вопытам работы з моладдзю, а таксама прадставілі новыя ініцыятывы і праекты, якія нацэлены на ўзмацненне патрыятычнага духу моладзі і фарміраванне актыўнай грамадзянскай пазіцыі.