Сеткавае выданне zviazda.by

Сімвалічна, што гэта важная і доўгачаканая для сталічных вартавых правапарадку падзея адбылася ў Дзень беларускай міліцыі. На працягу больш як 70 гадоў мінскія міліцыянеры размяшчаліся ў будынку на Дабрамысленскім завулку. Са з’яўленнем новых падраздзяленняў на старым будынку дабудавалі шосты паверх, але гэтага аказалася недастаткова. У выніку было вырашана ўзвесці новы будынак міліцыі: па даручэнні кіраўніка дзяржавы 1 сакавіка 2023 года ў цэнтры горада пачалася маштабная будоўля.

Пасля канкрэтных установак спікера на далейшую работу старшыні камісій праінфармавалі аб ходзе падрыхтоўкі законапраектаў, якія знаходзяцца ў Палаце прадстаўнікоў, агучылі перспектывы заканатворчай дзейнасці. Акрамя таго, дэпутаты зацвердзілі Палажэнне аб Маладзёжным савеце пры Палаце прадстаўнікоў, азнаёміліся з планам правядзення парламенцкіх чытанняў, прысвечаных 80-годдзю Перамогі савецкага народа ў Вялікай Айчыннай вайне, канкрэтызавалі прапановы мерапрыемстваў, прымеркаваных да Года добраўпарадкавання.

Яна абрала балет свядома яшчэ ў маленстве (нейкі час вагалася паміж ім і мастацкай гімнастыкай) і мае плённую кар’еру, якая доўжыцца ўжо больш за трыццаць гадоў. Але ўнёсак заслужанай артысткі Беларусі Марыны Вежнавец у развіццё гэтага мастацтва ў Беларусі значна большы, чым яе асабістыя выступленні ў розных спектаклях, дзе кожная партыя ўвасоблена ярка, з характарам, іскрынкай. А колькі іх было з 1997 года, калі артыстка паступіла ў Вялікі тэатр Беларусі.

Зона адказнасці члена Пастаяннай камісіі па прамысловасці, энергетыцы, транспарце, сувязі і лічбавым развіцці Палаты прадстаўнікоў — Бабруйская сельская выбарчая акруга № 80. Гэта частка Першамайскага раёна горада на Бярэзіне, а таксама Бабруйскі і Кіраўскі раёны, дзе пражывае амаль 57 тысяч выбаршчыкаў. Якія праблемы іх турбуюць, чым адметнае жыццё ў рэгіёне, чаго не хапае тутэйшай моладзі, наколькі ініцыятыўнае і актыўнае насельніцтва тут жыве, дэпутат расказвае ў нашай рубрыцы.

Такі фармат узаемаадносін з прадстаўнікамі СМІ з нагоды Дня міліцыі — ужо традыцыя. Сёлета не стала выключэннем. Кіраўнік ведамства праінфармаваў аб зніжэнні ўзроўню злачыннасці, стварэнні спецпадраздзяленняў, прафілактычнай рабоце з беспрацоўнымі, акцэнтаваў увагу на выхаванні патрыётаў. Прыводзім асноўныя тэмы размовы Івана Кубракова з журналістамі.

4 сакавіка сваё прафесійнае свята адзначаюць тыя, хто са дня ў дзень бездакорна служаць закону, народу, Айчыне — супрацоўнікі органаў унутраных спраў. Гэта людзі, якія пастаянна знаходзяцца на пярэднім краі барацьбы са злачынствам, справай даказваючы адданасць краіне і народу Беларусі. Дзень міліцыі для сям’і Семяніда — свята павышанай значнасці, бо гэту нялёгкую прафесію абралі для сябе цэлых чатыры пакаленні.

Сельская гаспадарка з’яўляецца адной з прыярытэтных галін эканомікі краіны, якой надаецца вялікая ўвага з боку дзяржавы. Немалыя сродкі ўкладваюцца ў мадэрнізацыю вытворчасці і развіццё сацыяльнай сферы вёскі. Складаней становіцца тэхніка і абсталяванне, ўдасканальваюцца тэхналогіі для ручной працы, істотна скарачаецца доля ручной працы ў вытворчасці. Усё гэта патрабуе высокакваліфікаваных спецыялістаў.

Авен. На гэтым тыдні вам проста неабходна выявіць альтруізм, здзейсніўшы які-небудзь у меру бескарыслівы ўчынак. Гэта, прынамсі, дазволіць адчуць сябе важным і патрэбным. Цяпер не варта ладзіць ніякіх сур’ёзных спрэчак, ды і праектаў.

Яшчэ некалькі тыдняў — і пачнецца актыўны дачны сезон. Клопат не толькі саміх шчаслівых уладальнікаў лецішчаў, але і мясцовых сельсаветаў, на тэрыторыі якіх гэтыя лецішчы, дакладней садаводчыя таварыствы, знаходзяцца. Бо садаводчае таварыства — гэта не вёска і не пасёлак, гэта, так бы мовіць, «дзяржава ў дзяржаве», бо сельсавету яно фактычна не падпарадкоўваецца. У апошні час паўнамоцтвы мясцовай улады адносна садаводчых таварыстваў былі значна пашыраныя, але дасягнуць беспраблемнага суіснавання ўдаецца не заўсёды. Мы пацікавіліся непасрэдна ў старшынь сельсаветаў у розных рэгіёнах, як ім удаецца наладжваць кантакт з дачнікамі, якія нібыта і свае, а нібыта і не.

Тэлефонныя махляры і інтэрнэт-ашуканцы не спыняюць спроб залезці ў кашалёк нашых грамадзян. Калі адна схема не працуе, прыдумляюць іншую. Аднак, па сутнасці, спосабы падману застаюцца ўсё тымі ж. Мяняюцца толькі нагоды, з якімі да грамадзян звяртаюцца лжэміліцыянеры, псеўдаследчыя, выдуманыя работнікі банкаў, іншых дзяржаўных структур.