Сеткавае выданне zviazda.by

Напярэдадні Дня ўнутраных войскаў намеснік міністра ўнутраных спраў — камандуючы ўнутранымі войскамі адказаў на пытанні журналістаў. На пачатку прэс-канферэнцыі Мікалай Карпянкоў адзначыў, што ўсе задачы, пастаўленыя міністрам унутраных спраў па забеспячэнні грамадскай бяспекі падчас электаральнай кампаніі, павышэнні баявога патэнцыялу ўнутраных войскаў у асаблівы перыяд, развіцці арганізацыйна-штатнай структуры, паляпшэнні тэхнічнай аснашчанасці, прафесійнага росту, выкананы паспяхова, з высокай якасцю і ва ўстаноўленыя тэрміны.

Такое даручэнне міністр унутраных спраў Іван Кубракоў агучыў падчас ўрачыстага мерапрыемства, прысвечанага Дню ўнутраных войскаў МУС. Павіншаваць віноўнікаў урачыстасці ў клубе в/ч 3214 сабраліся кіраўніцтва міліцэйскага ведамства, прадстаўнікі сілавых і іншых структур, ваеннаслужачыя галоўнага ўпраўлення камандуючага ўнутранымі войскамі, факультэта ўнутраных войскаў Ваеннай акадэміі, воінскіх часцей Мінскага гарнізона, ветэраны, выхаванцы ваенна-патрыятычных клубаў.

Прэзідэнт Беларусі Аляксандр Лукашэнка павіншаваў ваеннаслужачых і ветэранаў унутраных войскаў з днём унутраных войскаў Міністэрства ўнутраных спраў. Аб гэтым паведамілі ў прэс-службе кіраўніка дзяржавы.

Мясцовыя Саветы дэпутатаў ужо актыўна ўключыліся ў рэалізацыю Года добраўпарадкавання. Але, як падкрэсліла старшыня Гродзенскага абласнога Савета дэпутатаў Алена Пасюта, работа гэта ніколі не спынялася, таму што пытанні, звязаныя з навядзеннем парадку, стварэннем камфортных умоў для жыцця насельніцтва і грамадзянскімі ініцыятывамі, заўсёды ў топе актуальных.

Тэмы, якія абмяркоўваюцца ў такім фармаце, з удзелам шырокага кола экспертнай супольнасці, заўсёды актуальныя, бо датычацца жыццядзейнасці нашай краіны. Напрыклад, летась у Любанскім райвыканкаме комплексна ўзнімалася пытанне практычнага прымянення заканадаўства, рэалізацыі мерапрыемстваў у галіне меліярацыі зямель і іх эфектыўнага выкарыстання. У гарадскім пасёлку Копысь Аршанскага раёна на разгляд выносілася пытанне ўстойлівага развіцця рэгіёнаў на аснове стварэння імпартазамяшчальных і кааперацыйных вытворчасцяў, актыўнага выкарыстання механізмаў іх фінансавай падтрымкі.

ВУП Беларусі ў студзені-лютым 2025 года вырас на 3,1 працэнта. Аб гэтым паведамляе БелТА са спасылкай на Нацыянальны статыстычны камітэт.

Тое, што наша краіна займае першае месца ў свеце па аб’ёме вытворчасці брыкетаў, ужо ні для каго не сакрэт. Справа ў тым, што на тэрыторыі Беларусі запасы торфу ацэньваюцца ў 2,4 мільярда тон, расказаў начальнік аддзела вытворчасці і рэалізацыі тарфяной прадукцыі ўпраўлення тарфяной прамысловасці ДВА «Белпалівагаз» Сяргей Дзмітрыеў. З гэтых запасаў на перыяд да 2030 года для прамысловай распрацоўкі вызначана 302,1 мільёна тон торфу, або 12 % ад названых запасаў.

Нагадаць землякам, што чыста не там, дзе прыбіраюць, а дзе не смецяць, вырашыў неабыякавы гамяльчанін, фотакарэспандэнт Андрэй Феакцістаў і даслаў у СМІ здымкі... смецця на ўскраіне Гомеля. Аказалася, што гэта забруджаная тэрыторыя трапіла не толькі ў аб’ектыў фатографа, але яшчэ раней — у «чорны спіс» гомельскіх эколагаў. Не адкладаючы вырашэнне праблемы, менавіта з гэтага пункта стартаваў першы ў горадзе працоўны дэсант вясновага месячніка па добраўпарадкаванні. Каб рэальна параўнаць, як было і як стала, у рэйд з камунальнымі службамі на прыборку выехала і карэспандэнт «Звязды».

Падчас выступлення Прэзідэнта Беларусі ў Савеце Федэрацыі ў Маскве старшыня Савета Федэрацыі Валянціна Матвіенка павіншавала Аляксандра Лукашэнку з пачаткам яркай палітычнай кар’еры. У сакавіку 1990 года, а дакладней, 18 сакавіка, дырэктар саўгаса Гарадзец Шклоўскага раёна Аляксандр Лукашэнка падчас паўторнага галасавання (барацьба за мандаты была сур’ёзная: на 310 месцаў прэтэндавала 1427 кандыдатаў) стаў дэпутатам Вярхоўнага Савета БССР. У адказ Прэзідэнт Беларусі заўважыў: «Было такое. І вельмі гэтым ганаруся. Калі б гэтага перыяду, як і іншых, не было ў маім жыцці, я б, можа, і не быў Прэзідэнтам. Самы галоўны мой перыяд у жыцці — дэпутацкая работа. Я бачыў усіх, я бачыў усё і я там навучыўся высокім тэхналогіям — палітычным, дыпламатычным і іншым — і як губка гэта ўсё ўбіраў. За той перыяд мне не сорамна»...

Заключны этап універсітэцкіх алімпіяд у рэгіянальных вышэйшых навучальных установах завершаны. Удзел у ім узялі 3,6 тысячы чалавек і гэта на 500 больш, чым у 2024 годзе. Аб чым гаворыць такі вынік і што чакае пераможцаў алімпіяд, расказвае кансультант Галоўнага ўпраўлення прафесійнай адукацыі Міністэрства адукацыі Рэспублікі Беларусь Наталля Жытнікава.