Сеткавае выданне zviazda.by

Па словах дэкана факультэта журналістыкі Беларускага дзяржаўнага ўніверсітэта, кандыдата гістарычных навук, палітолага Аляксея БЯЛЯЕВА, сам факт учарашняй тэлефоннай размовы паміж лідарамі Беларусі і Расіі сведчыць аб глыбокім даверы паміж двума лідарамі, аб скаардынаванай палітыцы, якую праводзяць прэзідэнты Беларусі і Расіі, што з’яўляецца паказчыкам вельмі блізкага, цеснага супрацоўніцтва. «Тэлефонная размова прэзідэнтаў краін, якія ўваходзяць у адно дзяржаўнае аб’яднанне — Саюзную дзяржаву Беларусі і Расіі, дэманструе, наколькі гэта аб’яднанне сёння запатрабавана, — удакладніў ён. — Пры гэтым мы бачым, што лідар Расійскай Федэрацыі знаёміць нашага Прэзідэнта, Аляксандра Рыгоравіча Лукашэнку, з асноўнымі кірункамі сваіх палітычных дзеянняў на знешнім контуры. Гэты абмен інфармацыяй вельмі важны, паколькі Беларусь з’яўляецца паўнавартасным удзельнікам усіх міжнародных адносін і мае права атрымліваць ад бліжэйшага саюзніка, Расійскай Федэрацыі, самую вычарпальную інфармацыю».

Беларусь як ніхто зацікаўлена, каб Расія і Украіна заключылі доўгатэрміновы мір, заявіў палітолаг, дэпутат Мінскага гарадскога Савета дэпутатаў Вадзім Баравік, каменціруючы тэлефонную размову Прэзідэнтаў Беларусі і Расіі Аляксандра Лукашэнкі і Уладзіміра Пуціна, паведамляе БелТА. 

Абмену ваеннапалоннымі паміж Расіяй і Украінай становяцца дадатковым фактарам дээскалацыі ў рэгіёне, заявіў дэпутат Палаты прадстаўнікоў Сяргей Клішэвіч, паведамляе БелТА.

Узаемаадносіны нашых бакоў развіваюцца імкліва.

Член Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Вадзім ГІГІН перакананы, што тэлефонная размова прэзідэнтаў Беларусі і Расіі — найважнейшая падзея ў ходзе ўсяго працэсу, звязанага з развіццём украінскага крызісу і, галоўнае, спробамі яго ўрэгулявання. «Беларусь і Расія працягваюць цесна каардынаваць свае дзеянні, — канстатаваў дэпутат. — Варта яшчэ раз падкрэсліць, што ніякія дамоўленасці па Украіне не могуць быць дасягнуты, а тым больш рэалізаваны без уліку інтарэсаў нашай краіны. І Расія, у тым ліку асабіста Уладзімір Уладзіміравіч Пуцін, актыўна падтрымліваюць гэтую пазіцыю».

Як падкрэсліў старшыня Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў, доктар ваенных навук Мікалай БУЗІН, на працягу доўгага часу Беларусь застаецца надзейным саюзнікам Расійскай Федэрацыі. «Мы выконваем усе ўзятыя на сябе абавязацельствы, — адзначыў ён. — Гэта датычыцца і тых узаемаадносін, якія ёсць на сённяшні момант паміж Расіяй і Украінай. У прыватнасці, усе абмены ваеннапалоннымі, загінулымі бакоў ажыццяўляліся і ажыццяўляюцца на тэрыторыі Беларусі».