Сеткавае выданне zviazda.by

У сераду ў Палацы Рэспублікі прайшла ўрачыстая цырымонія ўручэння дзяржаўных узнагарод прадстаўнікам розных сфер: падатковых органаў, аграпрамысловага комплексу, лясной і жыллёва-камунальнай гаспадаркі, статыстыкі, адукацыі, культуры і іншых. Адпаведныя распараджэнні і ўказы падпісаў Прэзідэнт Беларусі Аляксандр Лукашэнка. Уручыў узнагароды Прэм’ер-міністр Аляксандр ТУРЧЫН.

Па даных на канец лістапада сёлета ў жылым фондзе сталіцы з’явілася больш за 22 тысячы новых аўтаномных пажарных апавяшчальнікаў, за год іх устанавілі ў 17 тысячах кватэр і прыватных дамоў. Устаноўкай гэтых прылад супрацоўнікі МНС займаюцца і ў рамках шырокамаштабнай інфармацыйнай кампаніі, якая праходзіць у Беларусі з 24 лістапада па 14 снежня.

У Маскве 9 снежня прайшла 69-я сесія Парламенцкага сходу Саюза Беларусі і Расіі. У цэнтры ўвагі саюзных парламентарыяў былі асноўныя пытанні функцыянавання аб’яднання, уключаючы выкананне бюджэту ў 2025 годзе, прыняцце аналагічнага дакумента на 2026 год і многае іншае.

Дэлегаты УНС — прадстаўнікі самых розных сфер дзейнасці, але іх аб’ядноўвае актыўная грамадзянская пазіцыя і праца на карысць грамадства. Хто яны, чым займаюцца ў жыцці — з некаторымі з іх знаёміць сёння спецвыпуск «Мясцовага самакіравання».

Як сфарміраваць у падрастаючага пакалення базавыя духоўна-маральныя арыенціры, выхаваць павагу да дзяржаўнай сімволікі, падтрымаць у моладзі актыўную грамадзянскую пазіцыю — больш за трыста маладых людзей з усёй краіны сабраліся абмеркаваць гэтыя і іншыя пытанні, каб вызначыць, што значыць быць патрыётам сёння. 

І гэта першы званочак для выпускнікоў школ: час паступлення ўжо не за гарамі. Дата рэпетыцыйнага экзамену — 31 студзеня 2026 года, а пакуль школьнікі чакаюць рэгістрацыі на яго, якая пачнецца 12 снежня і працягнецца да 17 снежня. Удзел у рэпетыцыйным ЦЭ даступны для ўсіх выпускнікоў 11-х класаў, якія жадаюць праверыць свае веды.

9 снежня адзначаецца Міжнародны дзень памяці ахвяр злачынства генацыду, ушанавання іх годнасці і папярэджання гэтага злачынства. Ён быў абвешчаны Генасамблеяй ААН. Дата была выбрана невыпадкова: 9 снежня 1948 года была прынята Канвенцыя аб папярэджанні злачынства генацыду і пакарання за яго.