Сеткавае выданне zviazda.by

Крыху больш за суткі ў тых, хто збіраецца сёлета паступаць і пакуль не зарэгістраваўся на цэнтралізаванае тэсціраванне. Дакументы падалі ўжо каля 57 тысяч чалавек — супастаўна са значэннем мінулага года.

Прайсцi праз выпрабаванне вайной i жыць у добрай згодзе

На Захадзе ўсё выразней прыкметныя рэваншысцкія настроі, калі нашчадкі фашыстаў падымаюць свае транспаранты і прыходзяць да ўлады. Пра гэта журналістам заявіў намеснік кіраўніка Адміністрацыі прэзідэнта Уладзімір Пярцоў перад сустрэчай з навучэнскай моладдзю і выкладчыцкім складам Мінскага філіяла УА «Беларускі гандлёва-эканамічны ўніверсітэт спажывецкай кааперацыі», перадае БелТА.

У мэтах стымулявання развіцця творчага патэнцыялу маладых вучоных у адпаведнасці з Указам Прэзідэнта Рэспублікі Беларусь ад 11 жніўня 2005 года № 367 «Аб удасканаленні стымулявання творчай працы маладых вучоных» назначаюцца 100 стыпендый Прэзідэнта Рэспублікі Беларусь таленавітым маладым вучоным, якія працуюць у арганізацыях, якія выконваюць навуковыя даследаванні і распрацоўкі (далей — стыпендыі). Названыя стыпендыі назначаюцца на адзін каляндарны год і выплачваюцца незалежна ад памеру заработнай платы.

Нядаўна вучэбная ўстанова адзначыла 85-гадовы юбілей. За гэты час былое педагагічнае вучылішча з адной спецыяльнасці перарасло ў сучасны каледж, які рыхтуе прафесіяналаў па сямі самых запатрабаваных кваліфікацыях. Разам з вучэбным працэсам удзяляюць увагу развіццю творчасці.

Дзяржкамісія пракантралюе арганізацыю ўступных выпрабаванняў, у тым ліку цэнтралізаваны экзамен (ЦЭ), які стартуе ў канцы мая. Таксама камісія ўдзяліць увагу прыёму дакументаў і залічэнню абітурыентаў у ВНУ і ССНУ. Старшынёй камісіі прызначаны намеснік прэм’ер-міністра Уладзімір Каранік. У яе складзе — прадстаўнікі Савета Рэспублікі і Палаты прадстаўнікоў Нацыянальнага сходу Беларусі, міністр адукацыі Андрэй Іванец, прадстаўнікі міністэрстваў, ведамстваў, абласной выканаўчай улады, Камітэта дзяржаўнага кантролю, парламента і іншых.

Традыцыйна 15 красавіка ў свеце адзначаецца Дзень экалагічных ведаў. Упершыню пытанне аб ролі экаадукацыі ў жыцці чалавека было ўзнята ў 1992 годзе ў Рыа-дэ-Жанейра на Канферэнцыі ААН, прысвечанай праблемам навакольнага асяроддзя. Місія свята — звярнуць увагу сусветнай грамадскасці на прасоўванне экалагічных ведаў і фарміраванне экалагічнай культуры насельніцтва, інфармаваць яго аб стане навакольнага асяроддзя і распаўсюджваць ідэі рацыянальнага карыстання прыроднымі рэсурсамі. Сімвалічна, што менавіта ў гэты дзень быў запушчаны новы экаадукацыйны праект Мінпрыроды і Мінадукацыі «ЭкаВеды».

У Савеце Рэспублікі прайшла сустрэча Наталлі Качанавай з выхаванцамі Спецыялізаванага ліцэя МУС. У ходзе адкрытага дыялогу, які доўжыўся больш за дзве гадзіны, спікер расказала пра дзейнасць палаты парламента, закранула моманты патрыятычнага выхавання моладзі, падрабязна і шчыра адказала на шматлікія пытанні, якія паступалі ад навучэнцаў.

Сустрэча атрымала назву «Універсітэцкая класная гадзіна» і стала першай такой у Беларусі. Як расказаў першы прарэктар Гродзенскага дзяржаўнага універсітэта імя Янкі Купалы Аляксандр Карэўскі, ВНУ заўсёды імкнецца быць побач з абітурыентамі, дапамагчы ім з выбарам будучай прафесіі. Ідэя правесці «Універсітэцкую класную гадзіну» для вучняў дзясятых і адзінаццатых профільных класаў інжынернай накіраванасці з’явілася пасля таго, як паспяхова прайшоў бацькоўскі сход для мам і тат студэнтаў.

У Міністэрстве адукацыі Беларусі вызначылі план прыёму ва ўстановы вышэйшай адукацыі на бягучы год. У адукацыйным ведамстве падкрэслілі, што набор у ВНУ колькасна будзе такі ж, як і летась. План прыёму ў каледжы на 2025 год таксама сфарміраваны на ўзроўні плана прыёму 2024 года. Аб’ём і структура прыёму для падрыхтоўкі спецыялістаў па запатрабаваных эканомікай спецыяльнасцях скарэкціраваны. Іншымі словамі, універсітэты стануць менш рыхтаваць лірыкаў — філосафаў, сацыёлагаў, філолагаў, псіхолагаў, дыпламатаў, бізнес-адміністратараў, эколагаў, гісторыкаў і іншых, а падрыхтоўку фізікаў — спецыялістаў па дакладных навуках — павялічаць.