Сеткавае выданне zviazda.by

Намеснік старшыні Пастаяннай камісіі па аграрнай палітыцы Антон Кулісевіч быў выбраны грамадзянамі ў Палату прадстаўнікоў па Гродзенскай пагранічнай акрузе № 53. Гэтыя мясціны яму добра знаёмыя, бо ён жыў і працаваў тут шмат гадоў. Дэпутат прайшоў вялікі кар’ерны шлях, але пры гэтым яго галоўнае крэда ніколі не мянялася — не быць абыякавым.

Удзельнікі выязной сесіі Магілёўскага аблсавета паглядзелі на прыкладзе Асіповіцкага раёна, як укараняецца ў жыццё дзяржпраграма «Здароўе народа і дэмаграфічная бяспека» на 2021–2025 гады. Яны азнаёміліся з выставай-прэзентацыяй прадуктаў здаровага харчавання, якія ствараюцца асіповіцкімі прадпрыемствамі, ацанілі магчымасці Цэнтральнай раённай бальніцы. Установа аховы здароўя аснашчана сучасным абсталяваннем і, як запэўнівае яе кіраўніцтва, тут усё прадугледжана для дыягностыкі і паспяховага лячэння чалавека.

Свята-Траецкая царква ў Магілёве адраджаецца не ўпершыню. Яна была спалена падчас вайны Расіі і Рэчы Паспалітай, аднавілася і ... зноў моцна пацярпела падчас вайны, на гэты раз Вялікай Айчыннай. У атэістычныя 50-я гады мінулага стагоддзя яе цалкам разбурылі. Прыкладна на тым месцы, дзе стаяла царква, пабудавалі мост. Ён атрымаў імя 21-гадовага Героя Савецкага Саюза Мікалая Яшына, які загінуў у баях за вызваленне Магілёва. Дзевяць гадоў таму каля моста нечакана адкрыліся контуры разбуранага храма.

Лунінецкі раён размешчаны на ўсходзе Брэсцкай вобласці за 228 кіламетраў ад абласнога цэнтра. У далёкія 80-я гады мінулага стагоддзя Лунінцу, пацярпеламу ад аварыі на ЧАЭС, прыйшлося нялёгка. Тым не менш ён не толькі выстаяў, але і нарасціў вытворчасць. Сёння раён актыўна развівае сельскую гаспадарку, турызм і паспяхова спраўляецца з пастаўленымі задачамі. Лунінеччына трывала асацыіруецца з клубніцамі і славіцца тым, што на яе тэрыторыі размяшчаюцца вялікія лясныя масівы, уключаючы знакамітыя пойменныя дубровы, з разгалінаванай рачной сеткай. Для захавання гэтых экасістэм былі створаны заказнікі «Сярэдняя Прыпяць», «Лунінскі» і «Вусце Лані». Спалучэнне пералічаных фактараў спрыяе развіццю экалагічнага турызму. Падрабязней аб раёне, яго дасягненнях і пунктах росту карэспандэнтам «Звязды» расказаў старшыня Лунінецкага райвыканкама Аляксандр САВІНА. Але размова, вядома, пачалася з уборачнай.

Напярэдадні свята Вялікай Перамогі, недалёка ад вёскі Сітніцкі двор, жыхароў якой фашысты знішчылі ў лістападзе 1942 года, адбылася знакавая падзея для Лунінецкага раёна — адкрыццё партызанскай вёскі. 

Настроены на актыўную ўборку

Сёлетняя ўборачная кампанія для яго 23-я па ліку, а яшчэ да таго, каб самастойна сесці за штурвал, працаваў памочнікам у бацькі — Пятра Зябко. Таму можа сцвярджаць, што сын песціць бацькаўскую ніву і працягвае справу Пятра. З году ў год Аляксандр паказвае добрыя вынікі, выходзячы ў перадавікі абласнога ўзроўню: летась на камбайне New Holland намалаціў зерня, зернебабовых, рапсу і кукурузы болей за 12 тысяч тон.

Старшыня Палаты прадстаўнікоў, упаўнаважаны прадстаўнік кіраўніка дзяржавы ў Віцебскай вобласці Ігар Сергяенка азнаёміўся з ходам уборачнай кампаніі ў некалькіх сельгаспрадпрыемствах Пастаўскага раёна і правёў сустрэчу з кіраўніцтвам і супрацоўнікамі камунальнага будаўнічага ўнітарнага прадпрыемства «Світанак Пастаўскі», якія заняты на будаўніцтве новага корпуса Пастаўскай цэнтральнай раённай бальніцы.