Сеткавае выданне zviazda.by

Ключавая перспектыва развіцця сталічнага транспарту, пазначаная і кіраўніком дзяржавы, — будаўніцтва чацвёртай лініі метрапалітэна. На старце ўзвядзення гэтай лініі будаўніцтва будзе весціся ў бок «Паўночнага берага», паведаміў дырэктар ААТ «Мінскметрапраект» Міхаіл Рудзько.

Таццяна Дамаронак, інжынер-энергетык па прафесіі, літаратурнай творчасцю займаецца з 2000 года. Піша казкі, а таксама апавяданні для дзяцей і дарослых. Аўтар кніг «Казкі сінявокай зямлі», «Вялікая і Малая Мядзведзіцы», «Хто Сароку напалохаў?», «Вясёлка над лесам», «Мы не забудзем!» і іншых.

Як вядома, нядаўна Прэзідэнт падпісаў Закон «Аб спажывецкім крэдыце і спажывецкай мікрапазыцы». Закон рэгулюе адносіны ў сферы спажывецкага крэдытавання, распаўсюджвае сваё дзеянне на прадастаўленне крэдытаў на фінансаванне нерухомасці (з улікам асаблівасцяў) і не распаўсюджваецца на прадастаўленне крэдытаў індывідуальным прадпрымальнікам. Нормы гэтага закона ўступаюць у сілу праз дзевяць месяцаў пасля яго афіцыйнага апублікавання. Сумесна са спецыялістамі прэс-службы Нацбанка раскладзём па палічках усе важныя моманты дакумента, якія датычацца радавога спажыўца.

У Нацыянальным дзіцячым тэхнапарку прайшла сустрэча старшыні Мінскага гарвыканкама Уладзіміра Кухарава з абноўленым складам Маладзёжных саветаў пры адміністрацыях раёнаў Мінска. Карэспандэнт «Звязды» даведалася падрабязнасці.

Прэзідэнт Беларусі Аляксандр Лукашэнка 18 лютага падпісаў Закон «Аб спажывецкім крэдыце і спажывецкай мікрапазыцы». Пра гэта паведамілі ў прэс-службе беларускага лідара.

Інтэрнат ад работы — выдатная магчымасць часова вырашыць жыллёвае пытанне як для маладых спецыялістаў, так і для многіх маладых сем’яў, асабліва калі размова ідзе пра сталіцу і абласныя цэнтры. Сёння разлічваць на такое жыллё могуць настаўнікі і выхавацелі, медыкі, работнікі сістэмы ЖКГ і іншых арганізацый. Вялікая колькасць сельгасарганізацый і прамысловых прадпрыемстваў маюць уласныя інтэрнаты, дзе прэтэндаваць на месца, пакой ці нават блок могуць найлепшыя работнікі, маладыя спецыялісты і сем’і.

У Нацыянальным архіве Беларусі адкрылася выстава «Бярэзінскі запаведнік: 100 гадоў захоўваючы будучыню». Фатаграфіі рэдкіх жывёл і раслін, справаздачы аб навуковых даследаваннях, чучалы, ранастайныя дакументы і іншыя экспанаты дазваляюць прасачыць гісторыю станаўлення і развіцця гэтай надзвычайна важнай для навакольнага асяроддзя нашай краіны і Еўропы асабліва ахоўнай прыроднай тэрыторыі.

Для дэпутата Палаты прадстаўнікоў, члена Пастаяннай камісіі па працы і сацыяльных пытаннях Аляксандра Канапацкага пачатак года ў яго Гомельскай-Чыгуначнай выбарчай акрузе № 32 выдаўся багатым на сустрэчы з выбаршчыкамі — працаўнікамі прадпрыемстваў-флагманаў Гомеля і не толькі.

Гісторыя гэтай найстарэйшай айчыннай асабліва ахоўнай прыроднай тэрыторыі цесна звязана з экспедыцыяй заолага, прафесара Беларускага дзяржаўнага ўніверсітэта Анатоля Фядзюшына ў вярхоўі Бярэзіны. Там, сярод загадкавых балот, магутных бароў і карункавага сеціва лясных рэчак і ручаёў, навукоўцы знайшлі амаль знішчаны ў нашай краіне від — баброў. Каб захаваць экасістэму гэтага «страчанага свету» і аднавіць папуляцыю самага буйнога грызуна Еўразіі, 100 гадоў таму, 30 студзеня 1925-га, быў створаны Бярэзінскі біясферны запаведнік. Падрабязней аб найбольш значных кірунках яго дзейнасці расказаў дырэктар запаведніка Андрэй Пракошын.

Ірына Карнаухава мае музычную і педагагічную адукацыю. Каля дзесяці гадоў узначальвала Міханавіцкую школу мастацтваў Мінскага раёна. Арганізатар і кіраўнік народнага клуба паэтаў і кампазітараў «Жывіца» пры Мінскім абласным цэнтры народнай творчасці. Аўтар двух дзясяткаў кніг для дзяцей і дарослых. Пераможца і неаднаразовы ўдзельнік конкурсу апавяданняў «Звязды».