Сеткавае выданне zviazda.by

У лютым грамадскія прыёмныя разгледзелі больш за 20 зваротаў. Асноўныя нараканні —на якасць рэалізуемай прадукцыі ў асобных гандлёвых пунктах. Напрыклад, у спажыўца з Гродзенскай вобласці былі пытанні да якасці смятаны, а пакупніка з Мінска хвалявала рэалізацыя чэрствага батона. Былі і адзінкавыя звароты аб адсутнасці асобных тавараў, у прыватнасці, кававых напіткаў на аснове ячменю і замарожанай ялавічыны.

У Беларусі працуе каля 460 тысяч пенсіянераў. Каля 10 тысяч грамадзян, якія дасягнулі непрацаздольнага ўзросту, выйшлі на рынак працы ў студзені, калі пачаў дзейнічаць указ кіраўніка дзяржавы, што знімае абмежаванні ў памеры пенсій для працоўных пенсіянераў. У тым ліку каля 2,6 тысячы пажылых грамадзян, чый каэфіцыент пры налічэнні пенсіі складаў больш за 1,3, пажадалі працаваць пасля таго, як абмежаванні былі зняты.

Надыходзячая вясна — самы час задумацца і спланаваць летні адпачынак дзяцей. Асабліва ўлічваючы той факт, што ў некаторыя лагеры пуцёўкі на самыя папулярныя першую і другую змены разлятаюцца ў першыя дні продажаў. Летась і сёлета ў заканадаўства, якое рэгулюе аздараўленне дзяцей, унесены шэраг змяненняў. Яны прадугледжваюць больш строгія патрабаванні да забеспячэння бяспекі, у тым ліку ў прыватных аздараўленчых лагерах. Разам з тым, сцвярджаюць спецыялісты, умовы атрымання пуцёўкі максімальна спрашчаюцца. У прыватнасці, цяпер бацькі могуць прэтэндаваць на яе не толькі па месцы работы. Пра навацыі ў аздараўленні расказалі спецыялісты.

Дзякуючы распрацоўкам медыкаў і ўкараненню некаторых навацый смяротнасць ад гэтай сасудзістай катастрофы ўдалося знізіць удвая — з 20 да 10 %. У прыватнасці, тут было адкрыта адзінае ў краіне аддзяленне кароткатэрміновага знаходжання, куды хворыя з інсультам трапляюць адразу з прыёмнага пакоя. Такая рэарганізацыя дазволіла не толькі дасягнуць зніжэння паказчыка лятальнасці, але і дапамагла сэканоміць каля 300 тысяч рублёў у год.

У першы дзень вясны ў старшынь райвыканкамаў пашырацца паўнамоцтвы, аграрыі выходзяць на фінішную прамую падрыхтоўкі да пасяўной і павінны паставіць на лінейку гатоўнасці адпаведную сельскагаспадарчую тэхніку, прыбаўку ў зарплатах адчуюць медыцынскія сёстры і фельчары, а рамеснікам і самазанятым упершыню трэба будзе заплаціць узносы ў ФСАН. Расказваем пра гэтыя і іншыя змяненні.

Да арганізацыі і правядзення памятных ініцыятыў падключаюцца прафсаюзы ўсіх узроўняў. Мерапрыемствы будуць праходзіць на працягу ўсяго года. Адно з самых маштабных — маладзёжны форум прафсаюзных актывістаў «Наследнікі Вялікай Перамогі». Маладыя людзі з гарадоў-герояў не толькі Беларусі, але і Расіі такіх, як, напрыклад, Тула, Валгаград, Мурманск, Масква, Смаленск і іншых, наведаюць знакавыя і памятныя ў краіне мясціны, а таксама раскажуць пра гераічнае мінулае сваіх гарадоў. Для ўдзельнікаў будзе арганізавана тэматычная адукацыйная праграма.

Эпідэмічная сітуацыя ў нашай краіне па захваральнасці на вострыя рэспіраторныя інфекцыі адпавядае бягучаму перыяду года. На сёння яна на 20 % ніжэйшая за эпідэмічны ўзровень уздыму захворвання. Пры гэтым у краіне працягваюць цыркуляваць як вірусы грыпу, так і негрыпозныя ўзбуджальнікі ВРВІ, у тым ліку каранавірусы, якія нярэдка становяцца прычынай пнеўманій.

Нагадаем, у сакавіку мінулага года кіраўніком дзяржавы падпісаны Указ «Аб звышурочнай рабоце і рабоце ў выхадныя дні ў прамысловых арганізацыях». У адпаведнасці з дакументам, прамысловым арганізацыям прадастаўлена права прымаць рашэнне аб павелічэнні гранічнай колькасці звышурочных работ і выхадных дзён, якія могуць выкарыстоўвацца для прыцягнення работнікаў да работы з іх згоды, звыш норм, устаноўленых Працоўным кодэксам. Пры гэтым абавязковае патрабаванне — узгадненне падобных рашэнняў з прафсаюзам.

Мінулы год для Капыльшчыны быў багатым на ўвядзенне знакавых аб’ектаў па інвестыцыйнай праграме «Адзін раён — адзін праект». У прыватнасці, высокатэхналагічнага комплексу па вырошчванні і перапрацоўцы мяса індычкі ў вёсцы Пясочнае, а таксама запуску цэха інавацыйнай прадукцыі — сухога малака з капілярна-порыстай структурай — на Капыльскім філіяле Слуцкага сыраробнага камбіната. Акрамя таго, у сельгаспадарках раёна ўведзены ў эксплуатацыю некалькі сучасных жывёлагадоўчых аб’ектаў. Усё гэта будзе спрыяць эканамічнаму росту раёна, бо атрыманая прадукцыя накіроўваецца на экспарт, ствараюцца новыя працоўныя месцы з дастойнай заработнай платай, а ў раён прыходзяць сучасныя тэхналогіі і адзначаецца высокі ўзровень вытворчасці. Пра знакавыя для раёна аб’екты, развіццё сельскай гаспадаркі і работу ў Год добраўпарадкавання размаўляем са старшынёй Капыльскага райвыканкама Сяргеем Пілішчыкам.

Нягледзячы на тое, што статус маладога спецыяліста дае нямала пераваг на заканадаўчым узроўні, праблема замацавання маладых кадраў на першых працоўных месцах актуальная для многіх галін. Асабліва запатрабаваны кадры працоўных прафесій. Вакансіі працоўных спецыяльнасцяў можна ўбачыць і на буйных дзяржаўных прадпрыемствах, і ў невялікіх прыватных кампаніях.