Сеткавае выданне zviazda.by

У Беларусі існуе пералік тавараў, якія падлягаюць абавязковай маркіроўцы, гэты спіс пастаянна папаўняецца. Яго ігнараванне можа прывесці да непрыемнасцяў: за 2024 год падатковыя органы аштрафавалі некалькі дзясяткаў суб’ектаў гаспадарання за адсутнасць такой маркіроўкі. Новаўвядзенні датычацца пакуль не ўсіх тавараў.

Яшчэ некалькі тыдняў — і пачнецца актыўны дачны сезон. Клопат не толькі саміх шчаслівых уладальнікаў лецішчаў, але і мясцовых сельсаветаў, на тэрыторыі якіх гэтыя лецішчы, дакладней садаводчыя таварыствы, знаходзяцца. Бо садаводчае таварыства — гэта не вёска і не пасёлак, гэта, так бы мовіць, «дзяржава ў дзяржаве», бо сельсавету яно фактычна не падпарадкоўваецца. У апошні час паўнамоцтвы мясцовай улады адносна садаводчых таварыстваў былі значна пашыраныя, але дасягнуць беспраблемнага суіснавання ўдаецца не заўсёды. Мы пацікавіліся непасрэдна ў старшынь сельсаветаў у розных рэгіёнах, як ім удаецца наладжваць кантакт з дачнікамі, якія нібыта і свае, а нібыта і не.

8 Сакавіка — нагода парадаваць каханых жанчын падарункамі. А што менавіта падарыць дарагім і любімым — жонцы і маме, дочкам, цешчы і калегам, — паспрабуем разабрацца.

Надыходзячая вясна — самы час задумацца і спланаваць летні адпачынак дзяцей. Асабліва ўлічваючы той факт, што ў некаторыя лагеры пуцёўкі на самыя папулярныя першую і другую змены разлятаюцца ў першыя дні продажаў. Летась і сёлета ў заканадаўства, якое рэгулюе аздараўленне дзяцей, унесены шэраг змяненняў. Яны прадугледжваюць больш строгія патрабаванні да забеспячэння бяспекі, у тым ліку ў прыватных аздараўленчых лагерах. Разам з тым, сцвярджаюць спецыялісты, умовы атрымання пуцёўкі максімальна спрашчаюцца. У прыватнасці, цяпер бацькі могуць прэтэндаваць на яе не толькі па месцы работы. Пра навацыі ў аздараўленні расказалі спецыялісты.

Чаму ў гэты перыяд варта атрымаць кансультацыю герыятра? На што павінны звяртаць увагу блізкія пажылых людзей? Што вядзе да заўчаснага старэння? Высвятляем з загадчыцай Мінскага гарадскога герыятрычнага цэнтра Ірынай Токаравай.

Дзякуючы распрацоўкам медыкаў і ўкараненню некаторых навацый смяротнасць ад гэтай сасудзістай катастрофы ўдалося знізіць удвая — з 20 да 10 %. У прыватнасці, тут было адкрыта адзінае ў краіне аддзяленне кароткатэрміновага знаходжання, куды хворыя з інсультам трапляюць адразу з прыёмнага пакоя. Такая рэарганізацыя дазволіла не толькі дасягнуць зніжэння паказчыка лятальнасці, але і дапамагла сэканоміць каля 300 тысяч рублёў у год.

Першая кніга вершаў вядомай беларускай дзіцячай паэтэсы — «Маё пакаленне» — пабачыла свет 90 гадоў назад, у 1935 годзе. Эдзі Агняцвет, чыя творчасць адзначана Міжнародным дыпломам імя Х. К. Андэрсена ( у 1986 годзе — за кнігу вершаў і перакладаў для дзяцей «На двары алімпіяда»), працавала ў літаратуры шмат дзесяцігоддзяў, выдала дзесяткі арыгінальных кніг паэзіі, пераклала вершы паэтаў іншых народаў ( у гісторыі беларуска-французскіх літаратурных сувязяў застанецца падрыхтаваная ёй анталогія французскай паэзіі для дзяцей «Краіна Паэмія»). Ужо пасля смерці паэтэсы (Эдзі Агняцвет пайшла з жыцця ў 2000 годзе) у серыі «Бібліятэка часопіса «Вясёлка» выйшаў яе зборнік «У свеце дабрыні».

З прыходам вясны мацней адчуваецца стома ад шэрага пейзажу за акном і зімовай апатыі. Гэта можна параўнаць з жаданнем перазагрузіцца і атрымаць моцны стымул для новых здзяйсненняў. І, вядома, у гэты перыяд у многіх прачынаецца жаданне абнавіць гардэроб, бо ён — адлюстраванне нашага ўнутранага стану. Што ж выбраць, якія сілуэты сёння прапануюць дызайнеры і як стварыць актуальны вобраз, застаючыся вернай свайму стылю? Разбіраемся з галоўнымі тэндэнцыямі разам.

Тыя, хто даўно ведае творчасць мастака Уладзіміра Лукашыка (1953 — 2023), відаць, успомняць многія кнігі з яго афармленнем. Што прыцягвала і цяпер прыцягвае ў яго работах? Што развівае еднасць гледача з мастаком праз пільнае знаёмства з яго графічнымі малюнкамі? Найперш — лаканічнасць, відавочнае жаданне дайсці да галоўнага, сутнаснага. Ён ніколі не спяшаўся. Магчыма, некаму падаецца, што выконваў сваю працу кніжнага графіка даволі марудна... Але плён, вынік пераконвае, што шлях, абраны мастаком, быў правільным. Таму і застаюцца ў памяці надоўга, ужо толькі пасля першага прагляду, яго пераканаўчыя, яго гаваркія ілюстрацыі да кніг Леаніда Дайнекі, Алеся Краўцэвіча, Генрыха Далідовіча, Васіля Гігевіча...

Традыцыяй стала правядзенне фестываля дзіцячага чытання «Ідзі, зіма, ідзі ў дарогу!» ў Дзяржаўным літаратурна-мемарыяльным музеі Якуба Коласа. Яго заснавальнікі поруч з музейнай установай — Саюз пісьменнікаў Беларусі, Выдавецкі дом «Звязда», выдавецтва «Беларусь», кнігарня «Акадэмкніга».