Сеткавае выданне zviazda.by

Гэты будынак ў пастэльных тонах размясціўся ў Магілёве на пешаходнай вуліцы Ленінскай па суседству з музеям В.К. Бялыніцкага-Бірулі. На яго адкрыццё прыйшла ўся яўрэйская суполка Магілёва. Прысутныя не хавалі радасці. Асветніцкі цэнтр будавалі больш за 10 гадоў. Рэалізацыя праекта стала магчымай, дзякуючы падтрымцы абл- і гарвыканкама, спонсараў, неабыякавых землякоў. З віншавальнымі словамі да прысутных звярнуўся старшыня Магілёўскага аблсавета Аляксандр Гарошкін.

Гандаль — адна з самых важных сфер у нашым жыцці, і ўвага грамадскасці адпаведная. Асабліва да гандлю ў невялікіх населеных пунктах, на чым неаднойчы факусіраваўся Прэзідэнт. «Мы ўсяляк падтрымлівалі і будзем падтрымліваць вёску. Менавіта ў абслугоўванні жыхароў вёсак і маленькіх пасёлкаў заключаецца сацыяльная роля спажывецкай кааперацыі. У тым ліку і па якасці вашай працы людзі ацэньваюць усю вертыкаль улады. Гэта значыць, вы аблічча гэтай улады. І гэта народная ацэнка павінна быць толькі станоўчай», — паставіў Аляксандр Лукашэнка задачу перад удзельнікамі агульнага сходу Белкаапсаюза.

Яшчэ некалькі гадоў таму Аляксандр Пурымаў нават не думаў, што будзе спецыялістам па сенсорнай інтэграцыі. Ён рыхтаваўся стаць весляром. Вучыўся ў Бабруйскай спецыялізаванай дзіцяча-юнацкай школе алімпійскага рэзерву, узмоцнена трэніраваўся, быў прызёрам... Але аднойчы трапіў у бабруйскі Цэнтр карэкцыйна-развіццёвага навучання і рэабілітацыі, дзе папрацаваў з дзецьмі-інвалідамі. І гэта змяніла яго жыццё.

«Магілёўскі пошукавы веснік» — унікальнае выданне, адзінае на постсавецкай прасторы. Яго васямнаццаты выпуск прысвечаны 80-годдзю Перамогі савецкага народа ў Вялікай Айчыннай вайне. Пад абгорткай — вынікі пошукавых экспедыцый, архіўныя матэрыялы, артыкулы розных аўтараў: Мікалая Барысенкі, Людмілы Грышанавай, Аляксандра Халеева, Юрыя Абмоіна, Галіны Кажэўнікавай, Алы Казючыц і іншых. 300 старонак актуальнай інфармацыі.

Аганізатар адкрытага конкурснага адбору -- Магілёўская абласная асацыяцыя мясцовых Саветаў дэпутатаў. Конкурс праводзіцца не ў першы раз і карыстаецца попытам у насельніцтва. Гэта рэальная магчымасць вырашыць пытанні мясцовага значэння, звязаныя са стварэннем або добраўпарадкаваннем месцаў для дзіцячых гульняў, адпачынку, заняткаў спортам, у гонар воінскай славы і гэтак далей. Пры умове, канешне, калі ў ініцыятараў будзе жаданне паўдзельнічаць у справе фізічна і ўнесці як мінімум 10% ад сумы праекта.

Год якасці стаў прадвеснікам пяцігодкі якасці. Сёлета акцэнт робіцца на добраўпарадкаванні — тэме, добра вядомай усім дэпутатам. Яны, як сувязнае звяно паміж народам і ўладай, маюць шмат цікавых напрацовак у такім кірунку. Старшыня Магілёўскага аблсавета, член Савета Рэспублікі Аляксандр Гарошкін ахвотна падзяліўся думкамі на гэты конт.

У канцы мінулага года ў Кіраўскім раёне на пашыраным пасяджэнні Прэзідыума Савета Рэспублікі дэталёва былі разгледжаны вынікі работы са зваротамі грамадзян і юрыдычных асоб у Магілёўскай вобласці. Адзначалася, што іх колькасць за апошнія два гады паменшылася. Старшыня Савета Рэспублікі Наталля Качанава ўхваліла вопыт крычаўскіх дэпутатаў у гэтым кірунку. Ім на пасяджэнні падзялілася старшыня Крычаўскага райсавета Ірына Пруднікава. У нашай размове з народнай выбранніцай мы акцэнтавалі ўвагу на так званых дамінантах гэтай работы.

Указ Прэзідэнта «Аб асаблівасцях прадастаўлення і выкарыстання арэнднага жылля», падпісаны кіраўніком дзяржавы літаральна назаўтра пасля выбараў, асаблівы рэзананс выклікаў у рэгіёнах. Дакумент, які дае паўнамоцтвы мясцовым органам улады прымаць рашэнні аб выдзяленні арэнднага жылля асабліва запатрабаваным спецыялістам, з першага дня, як кажуць, пайшоў у народ. Нашы карэспандэнты на месцах пацікавіліся, які ад яго рэалізацыі чакаюць эфект.

Прэзідэнт Беларусі Аляксандр Лукашэнка падпісаў Указ «Аб асаблівасцях прадастаўлення і выкарыстання арэнднага жылля», якім комплексна рэгулюецца даванне такога жылля работнікам найбольш запатрабаваных у краіне прафесій. Дакумент прыняты ў мэтах развіцця перадвыбарнай праграмы кіраўніка дзяржавы аб шырокім будаўніцтве арэнднага жылля. Аб гэтым паведамілі ў прэсслужбе беларускага лідара.

Апошняя нядзеля студзеня 2025 года вызначыла будучыню Беларусі. І гэта зрабілі мы — беларусы. Мы прыйшлі на выбарчыя ўчасткі, каб выбраць кіраўніка сваёй дзяржавы. Як мы гэта рабілі — у рэпартажах уласных карэспандэнтаў «Звязды» з розных рэгіёнаў.