Сеткавае выданне zviazda.by

Аматары творчасці знакамітага рускага жывапісца Ільі Рэпіна, калі ўзнікне неабходнасць, без асаблівых цяжкасцей прыгадаюць найбольш вядомыя яго творы, назваўшы «Іван Грозны і сын яго Іван», «Бурлакі на Волзе», «Запарожцы пішуць пісьмо турэцкаму султану», «Дзяржаўны савет», «Хрэсны ход у Курскай губерні», а таксама іншыя, што ўвайшлі ў залаты фонд мастацтва.

Запрацавалі пенсіённыя навацыі, прадугледжаныя Указам Прэзідэнта «Аб сацыяльнай падтрымцы». Адно з самых чаканых новаўвядзенняў — зняцце абмежаванняў памеру пенсій для працоўных пенсіянераў. Яно закране больш за 100 тысяч чалавек, якія да гэтага года атрымлівалі пенсію ў меншым памеры. Са студзеня іх даходы павялічацца — у некаторых да 500 рублёў. Прычым пералік праводзіцца аўтаматычна, таму дадаткова звяртацца ў органы па працы і сацыяльнай абароне не трэба.

Знаёмства з культурнай і гістарычнай спадчынай, вывучэнне рэлігійных традыцый, жаданне пакланіцца святыням, папрасіць аб заступніцтве, імкненне ўмацаваць веру і знайсці адказы на важныя пытанні — усё гэта можа быць складовымі рэлігійнага турызму. Студзень, прысвечаны гэтаму кірунку, дорыць цудоўную магчымасць паглыбіцца ў духоўны свет, адзначыць каляндарныя святы, пазнаёміцца з новымі маршрутамі. Кожны рэгіён падрыхтаваў свае сюрпрызы для аматараў рэлігійнага турызму і вернікаў.

Пакуль адны жартуюць пра адлігу зімой, іншыя выпрабоўваюць сябе на смеласць — выходзяць на лёд, які дзе-нідзе ўсё-такі ўтварыўся. Менавіта да такіх жартаўнікоў у сваім акаўнце TіkTok з іроніяй звяртаецца і Міністэрства па надзвычайных сітуацыях, апублікаваўшы відэа пра адзінокага чалавека на льдзіне, вакол якога — вада. Гучыць песня са знакамітага мультфільма. І надпіс з тэкстам: «Не выходзь на лёд, калі ты не маманцяня».

Задачы, якія паставілі прэзідэнты Беларусі і Венесуэлы, будуць выкананы ў поўным аб’ёме. Аб гэтым заявіў намеснік прэм’ер-міністра Віктар Каранкевіч, паведамілі БелТА ў прэс-службе беларускага ўрада.

Нагадаем, што дыспансерызацыя ў нашай краіне праводзіцца з 2023 года. Яе мэтамі з’яўляюцца медыцынская прафілактыка, у тым ліку выяўленне хранічных неінфекцыйных захворванняў на ранніх стадыях, прапаганда здаровага ладу жыцця, а таксама выхаванне адказнасці грамадзян за сваё здароўе.

У сучасным грамадстве інклюзія паступова становіцца неад’емнай часткай жыцця, адкрываючы новыя гарызонты для людзей з інваліднасцю. Адным з яскравых прыкладаў гэтай тэндэнцыі з’яўляецца інклюзіўная кавярня ў Мінску, дзе разнастайнасць становіцца сілай, а кава — сімвалам адзінства і ўзаемаразумення.

На калядныя святы Прэзідэнт Беларусі Аляксандр Лукашэнка наведаў храм Свяціцеля Мікалая Цудатворца ў Лагойску. Размаўляючы з прыхаджанамі і святарамі, кіраўнік дзяржавы акрамя іншых падняў пытанне будаўніцтва дарог. «Мною пастаўлена задача — усе раённыя цэнтры, у тым ліку Лагойск, з аграгарадкамі павінны быць звязаныя дарогамі з цвёрдым пакрыццём», — заявіў ён. Раней, у 2024 годзе, на кастрычніцкай нарадзе па пытаннях развіцця сеткі рэспубліканскіх аўтамабільных дарог Прэзідэнт падкрэсліў, што стан аўтамабільных дарог — найважнейшае пытанне для беларусаў, і засяродзіў увагу на тым, што 2025-ы — завяршальны для чарговай пяцігодкі дзяржаўнай праграмы «Дарогі Беларусі», галоўнай мэтай якой было і застаецца падтрыманне ў добрым стане асноўных аўтамабільных трас краіны.

Электаральная кампанія па выбарах Прэзідэнта ў Беларусі няспынна рушыць да даты, якая наканавана стане стратэгічнай вяхой у гісторыі нашай краіны. Усё бліжэй 26 студзеня, калі кожны з нас зробіць свой выбар на карысць будучыні. Час урачысты і хвалюючы, без перабольшвання — момант ісціны. І не толькі ў філасофскім, а і ў жыццёвым сэнсе. Дзеля мірнай, стваральнай будучыні краіны, светлай перспектывы нашых дзяцей і ўнукаў. Няўжо нехта думае інакш? Будзем рэалістамі — электаральная кампанія выкарыстоўваецца нядобразычліўцамі як падстава для таго, каб пэўным чынам разгайдаць грамадства і перашкодзіць паступальнаму руху наперад нашай дзяржавы.

«Ліць ваду» і даваць пустыя абяцанні — не беларускі падыход. Клапаціцца аб здароўі і камфорце людзей і не шкадаваць на гэта сродкі — вось наш варыянт. Пяцігодка якасці і Год добраўпарадкавання толькі пачаліся, а ў сталіцы ўжо адбылася гістарычная падзея з гэтым звязаная — Мінск поўнасцю пераведзены на якасную артэзіянскую ваду. «Я ведаю, што гэта людзі запомняць назаўжды. І будуць удзячныя. Таму што паветра, вада, наша харчаванне — гэта аснова жыцця. Не лекі. А менавіта гэта. Паветра, вада — тое, без чаго людзі жыць не могуць», — адзначаў Прэзідэнт Беларусі Аляксандр Лукашэнка 7 студзеня, наведваючы храм. ​