Сеткавае выданне zviazda.by

Кіраўнік дзяржавы пажадаў усім камандам і балельшчыкам здароўя, шчасця і поспехаў.

У Беларусі створана дзяржаўная камісія па кантролі за ходам падрыхтоўкі і правядзення ўступнай кампаніі ў 2025 годзе. Адпаведны ўказ нумар 152 падпісаў 14 красавіка Прэзідэнт Беларусі Аляксандр Лукашэнка, паведамілі БелТА ў прэс-службе беларускага лідара.

Галоўныя спартыўныя героі гэтага тыдня — хакеісты «Дынама-Мінска». Упершыню ў гісторыі каманда выйшла ў другі раўнд плэй-оф Кантынентальнай хакейнай лігі. У першым раўндзе, у серыі з маскоўскім ЦСКА, «зубры» змагаліся вельмі рашуча, чым парадавалі ўсю краіну. Наступным сапернікам беларусаў стане чалябінскі «Трактар». Серыя пачнецца 12 красавіка ў Чалябінску. А пакуль на лёдзе «Мінск-арэны» кіпіць работа: дынамаўцы настроены рашуча. Баявога настрою ім дадала і сустрэча з Прэзідэнтам Аляксандрам Лукашэнкам, які наведаў трэніроўку хакеістаў, сам стаўшы на канькі.

Гэтым разам галоўную афіцыйную пляцоўку краіны наведалі супрацоўнікі агенцтва «Мінск-Навіны». У ліку гасцей — генеральны дырэктар, яго намеснікі, галоўныя рэдактары, карэспандэнты, SMM-спецыялісты і не толькі. Таксама на экскурсію ў Палац Незалежнасці 8 красавіка прыехалі супрацоўнікі Адміністрацыі Прэзідэнта.

Дырэктыва № 11, якую Прэзідэнт падпісаў 2 красавіка, — бадай што, самая папулярная сёння тэма не толькі ва ўладных кабінетах, але, як кажуць, і ў народзе. Яе палажэнні закранаюць не толькі пытанні функцыянавання органаў улады і дзяржаўных арганізацый, але і выканальніцкую дысцыпліну, якая датычыцца літаральна ўсіх без выключэння. Як неаднойчы падкрэсліваў Прэзідэнт, менавіта ад яе, ад таго, наколькі адказна і якасна кожны на сваім месцы выконвае свае абавязкі, у многім залежыць і дабрабыт краіны ў цэлым, і яе суверэнітэт. «Далейшае павышэнне якасці жыцця ў нашай краіне — гэта сумесная работа дзяржаўных органаў усіх узроўняў, арганізацый незалежна ад формы ўласнасці і грамадзян, — гаворыцца ва ўступнай частцы дакумента. — Добрасумленным, адказным, творчым стаўленнем да службовых абавязкаў, высокапрадукцыйным выкарыстаннем працоўнага часу кожны з нас робіць свой унёсак у агульны дабрабыт і ўстойлівасць краіны. Выканальніцкая дысцыпліна з’яўляецца адным з ключавых фактараў гатоўнасці дзяржаўных органаў і іншых арганізацый аператыўна і эфектыўна рэалізоўваць пастаўленыя задачы». «Рэалізацыя пастаўленых на пяцігодку якасці задач па ўсебаковым пераўтварэнні дзяржавы і грамадства патрабуе кардынальнага павышэння эфектыўнасці функцыянавання сістэмы органаў дзяржаўнай улады, кіраўніцкай дзейнасці, узмацнення выканальніцкай дысцыпліны, сацыяльна адказных адносін кожнага да працы», — гаворыцца ў дырэктыве. Для гэтага дакументам прадугледжаны пэўныя меры і захады, якія варта разгледзець падрабязна.

Выданне было прадстаўлена ў сценах МДУ ім Куляшова, студэнтам якога калісьці быў Аляксандр Лукашэнка. На сустрэчу з прадстаўнікамі аўтарскага калектыву Аляксандрам Радзьковым і Алесем Карлюкевічам прыйшлі выкладчыкі і студэнты ВНУ, грамадскія дзеячы, усе тыя, хто цікавіцца палітычным жыццём краіны. Кніга багата ілюстраваная дакументамі і фатаграфіямі, шмат з якіх публікуюцца ўпершыню. З асабістых дакументаў кіраўніка дзяржавы тут можна ўбачыць залікоўку студэнта, пахвальная граматы, рукапісныя нататкі.

Прэзідэнт Беларусі Аляксандр Лукашэнка 27 сакавіка падпісаў указ нумар 126 «Аб прыёме ў грамадзянства Рэспублікі Беларусь». Аб гэтым БелТА паведамілі ў прэс-службе беларускага лідара.

На сталічных праспектах Незалежнасці і Пераможцаў 25 сакавіка было асабліва шматлюдна. Людзі прыйшлі, каб сустрэць урачысты картэж і падтрымаць кіраўніка дзяржавы перад асабліва важнай падзеяй — інаўгурацыяй Прэзідэнта Рэспублікі Беларусь. Карэспандэнт «Звязды» далучыўся да мінчан і гасцей сталіцы і пацікавіўся ў беларусаў, чаму прыйсці ў гэты дзень павітаць Прэзідэнта для іх было асабліва важна.

На цырымоніі інаўгурацыі Прэзідэнта ў Палацы Незалежнасці прысутнічалі 1100 чалавек. Быць непасрэднымі сведкамі гэтай найважнейшай падзеі, якая ўжо ўвайшла ў гісторыю, пашчасціла членам Прэзідыума Усебеларускага народнага сходу, дэпутатам Палаты прадстаўнікоў і членам Савета Рэспублікі, суддзям Канстытуцыйнага і Вярхоўнага судоў, кіраўнікам мясцовых органаў улады, выбітным дзеячам культуры і мастацтва, спартсменам, кіраўнікам і прадстаўнікам медыйнай супольнасці, сферы адукацыі і аховы здароўя. Сярод запрошаных на найгалоўнейшую ўрачыстасць краіны былі і паслы замежных дзяржаў, давераныя асобы кіраўніка дзяржавы падчас выбарчай кампаніі, члены Цэнтральнай выбарчай камісіі, сілавых структур і іншыя прадстаўнікі беларускага народа, якія ўнеслі свой унёсак у правядзенне электаральнай кампаніі. Яшчэ большая колькасць людзей назірала за цырымоніяй прынясення ваеннаслужачымі клятвы на вернасць беларускаму народу і Прэзідэнту. Карэспандэнты «Звязды» пацікавіліся ў непасрэдных відавочцаў абедзвюх урачыстасцяў першымі ўражаннямі.

Канстытуцыйны Суд прыняў пасланне Прэзідэнту і палатам Нацыянальнага сходу «Аб стане канстытуцыйнай законнасці ў Рэспубліцы Беларусь», перадае БелТА.