Сеткавае выданне zviazda.by

Магілёўшчына працягвае аднаўляцца пасля ўрагану. У чацвер, 17 ліпеня, абласны цэнтр наведаў міністр лясной гаспадаркі Аляксандр Кулік і на месцы азнаёміўся з маштабамі нанесенай непагаддзю шкоды. Па краіне ад шквалістага ветру пацярпела парадку 3,5 тысячы гектараў лесу, 2,5 тысячы з іх падлягаюць суцэльным санітарным высечкам. У прыватнасці па Магілёўскім лясгасе — каля 1500–1700 гектараў — амаль мільён кубаметраў драўніны. Усяго ў Магілёўскай вобласці пацярпела больш за 2,5 тысячы гектараў лесу. Для параўнання — у Мінскай вобласці — да 200 гектараў, у Віцебскай — каля 70.

У дзень, калі мы прыехалі ў Лідскі раён, з раніцы там стаяў густы туман пасля начнога дажджу: іх гэтым летам надвор’е пасылае шчодра. Але гадзін да 11 туман стаў рассейвацца, у прасветы хмар выглянула сонца. Падняўся лёгкі ветрык, і ўжо бліжэй да поўдня збожжаўборачныя камбайны КСУП «Беліца-Агра» дружна выехалі ў поле, а літаральна ўслед за імі падкаціў УАЗ кіраўніка гаспадаркі Віктара Сінкевіча. Старшыня на свае вочы хацеў паглядзець, як стартуе чарговы дзень жніва.

Летнія трапічныя ліўні становяцца галаўным болем для мінчан і гарадскіх улад: падтопленыя вуліцы і магазіны, плаваючыя машыны, спынены на некалькі гадзін грамадскі транспарт... Сталічныя ўлады каторы год імкнуцца вырашыць праблему гарадскіх патопаў. Год таму будаўніцтвам аб’ектаў ліўневай каналізацыі занялося прадпрыемства «Гардарбуд». Ужо сёлета ў эксплуатацыю будзе здадзены адзін з найбольш буйных праектаў — ліўневы калектар «Яркава». І, як абяцаюць спецыялісты, з паступовай рэалізацыяй усёй праграмы, вады на сталічных вуліцах падчас ліўняў будзе ўсё менш і менш.

Праз паўтара месяца пачнецца новы навучальны год — а гэта значыць, што прыйшоў час закупляцца ўсім неабходным для школы. У рэгіёнах і ў сталіцы ўжо разгарнуўся маштабны гандаль! Школьныя кірмашы актыўна пашыраюць асартымент тавараў да новага навучальнага года. Акрамя таго, у гандлёвых аб’ектах афармляюцца спецыяльныя «Куткі школьніка» і «Куткі першакласніка». «Звязда» разабралася, як будзе ажыццяўляцца гандаль у сёлетнюю гарачую пару, а таксама даведалася, колькі ў сярэднім будзе каштаваць апрануць дзіця ў школу.

Начальнік аддзела развіцця гандлю і паслуг ГА «Сталічны гандаль і паслугі» Анастасія Макарская на прэс-канферэнцыі расказала, колькі каштуе сабраць школьніка да новага навучальнага года ў сталічных універмагах, паведамляе БелТА.

На адной з вуліц абласнога цэнтра супрацоўнікі Дзяржаўтаінспекцыі і аддзела прымусовага выканання Савецкага раёна правялі рэйд, падчас якога спынілі аўтамабіль Fiat. За рулём аказаўся мясцовы жыхар, пазбаўлены права кіравання з-за даўгоў, расказалі ў Галоўным упраўленні юстыцыі Гомельскага аблвыканкама.

У Беларусі і Таджыкістана склаліся добрыя літаратурныя адносіны. У мінулыя гады ў Душанбэ выйшаў шэраг кніг з творамі беларускіх пісьменнікаў у перакладзе на таджыкскую мову. Гэта – проза і паэзія Мікалая Чаргінца, Алеся Бадака, Юрыя Сапажкова, Міколы Мятліцкага, Георгія Марчука, іншых літаратараў нашай краіны. Зараз таджыкскія сябры беларускай літаратуры рыхтуюць анталогію сучаснай беларускай літаратуры.