Сеткавае выданне zviazda.by

У ліпені 2024 года кіраўнік дзяржавы Аляксандр Лукашэнка даручыў Адміністрацыі Прэзідэнта арганізаваць правядзенне маштабнай рэвізіі заканадаўства. Прэзідэнт заўважыў, што цяпер у Беларусі дзейнічаюць 175 тысяч актаў. Некаторыя з іх цяжка чытаемыя і ўспрымальныя, перагружаны. Такое становішча спраў кіраўнік дзяржавы назваў катастрофай і паставіў задачу прыбраць усё лішняе. «Гэта будзе рэвалюцыя не толькі нарматворчай дзейнасці, гэта будзе рэвалюцыя ў краіне», — ацаніў Аляксандр Лукашэнка маштабы задач.

У газеце «Звязда» за 14 студзеня апублікаваны перадвыбарныя праграмы ўсіх пяці кандыдатаў у Прэзідэнты Рэспублікі Беларусь на беларускай мове.

У дзяцінстве яе захапіла стыхія народнай культуры, вывучэнню якой яна прысвяціла жыццё, стварыўшы ўласны напрамак у фалькларыстыцы.

У Мінску на наступным тыдні пройдзе фінальны этап рэспубліканскай грамадска-культурнай акцыі «Марафон адзінства». Жыхароў і гасцей сталіцы чакае больш як 70 яркіх падзей, уключаючы канцэрты, майстар-класы і ўнікальныя праекты, якія будуць праходзіць штодзень з панядзелка па нядзелю. Аб гэтым БелТА расказала кіраўнік рабочай групы па арганізацыі і правядзенню «Марафона адзінства» Ганна Лукашэнка.

Да рэканструкцыі ў будынку размяшчаўся корпус рэабілітацыі. Працавала дзіцячая рэанімацыя, але знаходзілася яна ў непрыстасаваных умовах, займала толькі палову паверха. Цяпер, калі гэта ўжо педыятрычны комплекс, пад дзіцячую рэанімацыю адведзены ўвесь паверх. «Гэта дазволіла павялічыць ложкавую магутнасць рэанімацыі і ўзяць на сябе 80-90 % усіх заўчасных родаў у Мінскай вобласці», — расказаў галоўны ўрач установы Пётр Масько.

Добраахвотна ці вымушана, з радасцю ці з вялікім сумам у свой час кожны пакідае бацькоўскі дом і шукае месца ў жыцці. І ў кожнага гэтыя пошукі вызначаюцца ўласнымі арыенцірамі ды безліччу самых розных акалічнасцей, радасных падзей і непрыемных здарэнняў, якія падкідвае лёс. Тычыцца гэта і мастакоў — ураджэнцаў Беларусі, якім, так склалася, у былыя часы прыходзілася даволі няпроста. На працягу многіх стагоддзяў атрыманне прафесіі на тэрыторыі сучаснай краіны было недасягальнай мэтай, пазней з’явіліся прыватныя школы, а затым — і сур’ёзныя адукацыйныя цэнтры, стварэнне якіх прыпала на першую палову XX стагоддзя. Толькі ў другой палове веку стаць прафесійнымі мастакамі без вялікіх перашкод мелі магчымасць многія таленты.

У нядзелю праваслаўныя хрысціяне адзначаюць адно з 12 вялікіх свят — Вадохрышча, якое завяршае калядныя святкі. Галоўныя традыцыі ў гэты дзень — асвяшчэнне вады ў храмах і акунанне ў ледзяную палонку. Чакаецца, што каля 300 тысяч беларусаў наведаюць падрыхтаваныя купелі.

Ужо праз некалькі дзён у нашай краіне пачнецца самы галоўны этап электаральнай кампаніі — галасаванне. Для беларусаў выбары Прэзідэнта краіны заўсёды асацыююцца з сапраўдным святам. Тым не менш не варта забываць пра бяспеку. Як правіла, ужо падчас датэрміновага галасавання сілавыя структуры краіны пераходзяць на узмоцнены варыянт нясення службы. Гэта робіцца не толькі для таго, каб забяспечыць бяспеку грамадзян, якія прыйдуць галасаваць, але і саміх членаў выбарчых камісій, для таго, каб нашы выбары прайшлі без усялякіх здарэнняў і парушэнняў. Якія меры будуць прымаць праваахоўнікі і ратавальнікі, каб падчас галасавання не было непрыемных неспадзяванак, расказалі на прэс-канферэнцыі ў Нацыянальным прэс-цэнтры.

Беларуска Ганна Сола выйграла другі медаль на чацвёртым этапе Кубка Садружнасці па біятлону, які праходзіць у Дзёміна Яраслаўскай вобласці, паведамляе БелТА.

Выдадзеная па заказе Цэнтральнай выбарчай камісіі Беларусі, а таксама пры падтрымцы Міністэрства інфармацыі Рэспублікі Беларусь кніга «Сімвалы суверэннай Беларусі» (аўтар тэксту і складальнік — вядомы ў краіне палітолаг і сацыёлаг, публіцыст, аўтар многіх кніг, член прэзідыума Саюза пісьменнікаў Беларусі Сяргей Мусіенка) стане сапраўднай падзеяй. І як факт айчыннага кнігавыдання (тыраж, які ажыццёўлены на дзвюх мовах — рускай і беларускай, складае амаль 100 тысяч экзэмпляраў), і як сапраўдны ўрок грамадзянскага, патрыятычнага выхавання. Найперш — моладзі, юных чытачоў, якія адкрываюць гісторыю нашай суверэннай дзяржавы. Дарэчы, у кнізе разумна спалучаны тэкставая частка і сама візуалізацыя, што робіць выданне асабліва прыцягальным.