Сеткавае выданне zviazda.by

На ўзроўні афіцыйных дэлегацый у 35-й міжнароднай спецыялізаванай выставе «Белагра» запланаваны ўдзел больш як 20 краін, ёсць і тыя, хто прадставяць свае дасягненні ў аграрнай сферы і пазнаёмяцца з поспехамі беларускай сельскай гаспадаркі ўпершыню, — такіх будзе сем. У дэталях аб удзельніках «Белагра-2025» расказаў намеснік міністра сельскай гаспадаркі і харчавання Уладзімір Гракун.

Сёння Беларускаму дзяржаўнаму ўніверсітэту культуры і мастацтваў, вядучай у сваёй галіне ўстанове вышэйшай адукацыі Рэспублікі Беларусь, спаўняецца 50 гадоў. У БДУКМ вядзецца падрыхтоўка спецыялістаў не толькі ў галіне культуры і мастацтва. Ва ўніверсітэце можна асвоіць і сучасныя запатрабаваныя прафесіі ў напрамку менеджменту, маркетынгу і цыфравізацыі сферы культуры. Аб гэтым паведамілі БелТА. 

Хочаш адчуць «Подых вясны», а тут недзе яшчэ «Срэбраная зіма»... Глядзіш на карціны і думаеш: такія неспадзяванкі ў нас бываюць. А ўсё адно грэе думка: якое б ні было надвор’е, а ты на радзіме. Так, відаць, і Міхаіл Карпук адчуваў: «У родным краі» — гэта заўсёды дома.

Сёння народная артыстка Беларусі Вольга Клебановіч адзначае 80-годдзе — з асабістым святам яе віншуе Нацыянальны акадэмічны драматычны тэатр імя Максіма Горкага, у якім яна працуе з 1967 года. Ды і прыхільнікі творчасці павінны звярнуць увагу на спектаклі з удзелам артысткі, якая дагэтуль грае на сцэне. Менавіта на 25 лютага ў праграме запланаваны паказ (ў Рэспубліканскім палацы культуры прафсаюзаў) камедыі «Сэлфі са Склерозам», у якім Вольга Міхайлаўна выканала галоўную ролю Маі Міхайлаўны.

Больш за 25 гадоў творчага жыцця артыст Вадзім Асвяцінскі прысвяціў служэнню Коласаўскаму тэатру. За гэты час ім сыграна больш за 60 роляў самага рознага кшталту — вострахарактарных, камедыйных, драматычных. Сярод найбольш значных работ мінулых гадоў — Валодзька ў трагікамедыі «Трыбунал» А. Макаёнка, граф Рэтланд у гістарачнай хроніцы «Генры VI» У. Шэкспіра, Франсуа ў дэтэктыве «Загадка дома Вярнье» А. Крысці, гарадскі прарок Ільюк з інсцэніроўкі рамана У. Караткевіча «Хрыстос прызямліўся ў Гародні». Асаблівае месца ў яго творчасці займаюць казачныя персанажы — Алесь з «Купальскай ночы» Ю. Куліка, Певень з «Кошчынага дома» С. Маршака, Воўк з «Вядзьмаркі і Дыназаўрыка» А. Якімовіча, Жук-Рагач з «Казявачкі» Т. Уфімцавай…

Нацыянальны цэнтр сучасных мастацтваў сёлета святкуе 10-годдзе з дня ўтварэння. У гонар свята ўстанова прапаноўвае гледачам пазнаёміцца з залатым фондам музейнай калекцыі — плёнам карпатлівай працы некалькіх пакаленняў супрацоўнікаў. На выстаўцы «Вечнае быццё светабудовы» прадстаўлены адзін з найважнейшых збораў цэнтра — работы Аляксандра Казлоўскага.

Насамрэч адлік існавання калектыву можна пачынаць раней, звязаўшы яго наогул з дзейнасцю знакамітага фалькларыста і музыканта Рыгора Шырмы, бо яшчэ да ўз’яднання Заходняй і Усходняй Беларусі гэты «паляшук», як запісалі яго ў пашпарце тагачасныя польскія ўлады, ужо ствараў калектывы, і яны выступалі з беларускім рэпертуарам. А ў 1939 годзе ён атрымаў ад савецкіх улад мандат на арганізацыю харавога калектыву. Ужо ў 1940-м пайшлі канцэрты Беларускага ансамбля песні і танца пад кіраўніцтвам Рыгора Шырмы.

Жыццялюб, жартаўнік і чалавек, у якога безліч гісторый пра людзей, з каторымі яму выпала працаваць і быць знаёмым. Ён мог бы напісаць цудоўную кнігу ўспамінаў пра легендарных артыстаў легендарнага тэатра. Але ён і сам ужо легенда — народны артыст Беларусі, народны артыст СССР. І ў яго жыцці быў толькі адзін тэатр, любоў да якога ён нясе больш за 60 гадоў. Пра любоў — у розных праявах — і пайшла наша размова:

Тэлеканал «Беларусь 24» адзначыў сваё 20-годдзе 1 лютага. Увесь гэты час яго супрацоўнікі знаёмяць свет з гісторыяй нашай краіны, ключавымі медыйнымі асобамі і разам са сваёй аўдыторыяй назіраюць за самымі актуальнымі падзеямі і навінамі.

Пісьменнік нарадзіўся 16 студзеня 1905 года ў вёсцы Прусінава цяперашняга Уздзенскага раёна Мінскай вобласці. Спачыў у Мінску 26 красавіка 1979-га. Найбольш вядомымі і папулярнымі па ўсім Савецкім Саюзе былі яго творы для дзяцей і юнацтва. На кнігах «Родныя берагі» (1958), «Беражанкі» (1958), «Аля і Галя» (1961), «Жнівеньская раніца» (1963) і іншых вырасла цэлае пакаленне.